我是一個學界的灰姑娘: 48. 我地拍拖啦

「做咩無啦啦黎搵我?明明前日先見完黎」
 
「突然想見妳囉」佢望實我講
 
「咁…你而家見到啦，你想見我，咪俾我張相你囉好唔好?」
 
「妳張相?我放左係銀包架」
 
「我張相?我張學生相?」
 




「係呀」
 
佢打開銀包俾我睇，係我張學生相，仲要四年黎果張都有
 
望見自己張學生相放左係佢銀包，我個心亂到唔知點
 
「你…點得返黎架?」
 
「我媽咪同姑姐係妳班主任喎，要妳嘅相好難咩?」
 




聽到佢咁講我更加唔識講野，所以我只係耷低頭面紅紅
 
「頭先…唔該哂你」
 
「原來妳以前眼光咁架?」
 
「咩喎… …你好過佢咪得囉…」我細細聲講
 
然後，我沿住佢隻手，愈伸愈落。佢都感覺到我隻手郁緊，佢用輕力捉實我隻右手
 




我地十指緊扣咁拖住對方，我將另一隻手撓實佢，再將個頭挨住佢膊頭
 
我地之間，冇人開口表白過，冇任何甜言蜜語
 
就咁樣，兩個人自然走埋一齊
 
「家琪」 「嗯?」
 
「妳打開佢丫」
 
佢拎左個盒出黎放係我面前
 
「咩黎架?會唔會一打開有條蟲架」我仍然撓實佢手
 
「妳撓實我，有野彈出黎，我會同妳一齊中招喎」




 
我一打開個盒，我眼見係，我每次都睇嘅音樂盒
 
「點解….你會知道我鍾意呢個…」
 
「妳每次同妳行街我都見妳不停望呢個盒，我點會唔知」
 
「你…無啦啦買野俾我做咩喎」
 
「咁…同妳第一日拍拖，都要俾妳紀念下嘛。妳地D女仔最鍾意乜都紀念一餐」
 
佢望實我，果時我個樣好開心
 
「係魔女宅急便音樂…」
 




佢捉實我膊頭，想錫落黎我到
 
我一手推去佢塊面到，笑住咁講
 
「死變態佬!」
 
「咩喎，錫自己女朋友有問題?」
 
「冇問題呀」
 
「咁妳又唔俾我錫?」
 
「邊個叫你頭先咁高調拖住我呀」
 
「妳唔係應該同全校講，我名草有主咩」




 
「你呀!唔小心累到Miss Lam同大白鯊就弊啦」
 
「有累到佢地咩?」
 
「下次呀…上左車先好拖住呀」
 
「我想係妳校門拖住妳喎」
 
「咁…Last day先啦」
 
我同佢一齊聽住音樂盒嘅音樂，一邊享受兩人獨處時光
 
「你今日為左送野俾我而專登過黎?」
 




「係架」
 
「咁…你一向都星期六黎搵我溫書去街架啦，聽日先俾我都得者」
 
「妳唔鍾意著住校服同男朋友拖手咩」
 
俾佢講一講，我又面紅紅
 
「咩喎，係女仔都想有人錫架啦」我鼓起泡腮，又微笑對住佢
 
佢將我拉埋佢身邊，再錫我額頭一下
 
「喂呀…我都冇話俾你錫」
 
「額頭都唔可以?」
 
「考慮下先啦」我轉身扮下唔俾佢錫
 
然後佢又有少少失望咁樣
 
我轉過身，行去佢面前
 
「而家俾機會你，你要唔要?」
 
佢雙手搭住我膊頭…然後我地慢慢靠近
 
我第一次錫男仔，所以我塊面紅哂
 
而且佢仲要係我老師個仔、侄仔，校長個孫仔
 
俾人知道一定會好轟動
 
「喂呀，返去啦」
 
「我陪妳返去啦」
 
「嗯」