我是一個學界的灰姑娘: 44. 你同佢點識

「喂!!俾媽咪知道一定會鬧死我架」
 
「咁冇人叫妳同佢講架嘛!」
 
「但係…但係…張相有我同你…」
 
「有咩問題呀?」
 
問題就大啦!!!我同你又唔係拍拖!!!頂多係好朋友或者……唔識講啦
 




不過我好鍾意呢一張相，我將佢放係袋入邊
 
「喂，我未知你同Fiona點識架喎」
 
「點識呀?唔…」
 
「係街到瞭架?」
 
「當然唔係啦，我同佢呢….係聯校活動到識」
 




「咩活動先?」
 
「辯論比賽」
 
「喂….你係英皇…佢係培道，男校會同女校辯論架咩?」
 
「會架，不過我同佢都唔係辯論隊」
 
「咁你地係咩呀?」
 




「現場觀眾」
 
「我仲以為你地係比賽添」
 
「我覺得好悶，佢又覺得好悶，我咪帶佢參觀下學校囉，然後就交換電話….傾傾下就一齊左啦」
 
「嘩….你都好快手喎」我係到潤佢
 
「算啦，過左去啦。妳果個呢?點識架?」
 
「佢?同學fd搭fd識，不提也罷」
 
浩揚睇一睇錶
 
「喂…洗唔洗返屋企食飯呀?」




 
「唔洗呀」
 
「黎啦!」
 
佢起身拍拍屁股
 
「去同妳食飯啦」
 
「講明先呀!!!」
 
「點呀!」
 
「唔好食太貴呀」
 




「知啦!」
 
我地兩個搭返車出香港，去到堅尼地城街市d熟食檔到食大排檔
 
然後再去食糖水
 
今次同佢去街，我諗我會重幾多呢
 
之後佢送我返學校宿舍
 
「係喎家琪」
 
「嗯?」
 
係不知不覺間，我地已經直叫對方個名




 
關係近左一步
 
「妳媽咪幾時再婚呀?」
 
「應該半年後啦，而家學校d野咁忙」
 
「係邊到行禮?」
 
「你覺得紅棉路好定係大會堂好?」
 
「紅棉路好似靚d」
 
「唔….我將來個婚禮一定要係教堂內舉行」
 




「點解呀?」
 
「呢個係每個女仔嘅夢想」
 
到左學校門口
 
「夜啦，你快d返去啦，一陣Miss Lam擔心你呀」
 
「怕咩丫，我媽咪先唔會擔心我，佢應該係同姑姐打緊麻雀啦」
 
「你話…Miss Lam會打麻雀?」
 
「好奇呀?姑姐打牌先恐怖，勁到一個點」
 
「你咁爆佢地秘密，你怕唔怕架?」
 
「洗怕佢地咩，妳返去早d瞓啦」
 
「知啦，你都係呀」
 
「喂，家琪」佢叫住左我
 
「嗯?咩事呀?」
 
「唔…妳會唔會離開學校溫書架?」
 
「你想約我?」
 
「交換下情報都好呀」
 
「你係咪會知道Miss Lam出咩卷先」
 
「未必架」
 
「咁你有咩利用價值呀」
 
「至少可以陪妳呀」
 
「我冇人陪咩」
 
「係呀」
 
佢算唔算直接約我下一次約會
 
「唔….星期三同星期五，一星期見面兩次夠啦?」
 
我同佢互相微笑望住對方
 
返到宿舍，立即沖個涼，再返房拎出今日d相出黎睇
 
我同佢都笑得好開心呢…
 
睇相果時，個心又痛左一下
 
某一日午餐時間，係我去圖書館當值日子
 
我偷偷地將我同浩揚影果張相拎去相印相縮到2R size，然後再拎去過膠
 
再放係銀包暗格
 
我發現…我自己好似鍾意左Ethan呀…