我是一個學界的灰姑娘: 25. 孖女表妹現身了

「唔知今年D F.1妹有冇適合我地球隊用嘅呢?」
 
「有就一定有，不過人地肯唔肯加入者」
 
「喂，黎啦黎啦」
 
一大班師姐一齊去睇今年新生，唯獨小敏姐姐唔去睇
 
「姐姐妳唔去睇今年D新生?」
 




「唔洗啦，我已經知道」
 
「有妳嘅熟人?」
 
「係呀，佢地已經俾校長Mark左入羽毛球隊架啦」
 
「佢地?妳d屋企人?」
 
小敏姐姐笑住咁講「係呀，佢地嘅音波功…..連大白鯊都抵擋唔住」
 




竟然…..有人可以煩死條大白鯊?
 
好快有部車黎到停車場，姐姐望見部車後
 
「佢地黎啦….真頭痛…」
 
我好八掛咁望一望部車
 
車門一打開，有一個女士落車，佢應該同大白鯊差唔多年紀啦
 




佢身邊應該係佢先生，高佢一個頭左右，而佢地後邊，出現左兩個女仔，佢地個樣係一模一樣
 
兩個小妹妹跟住佢地媽咪好熟路咁行，佢地遇上左扮校工嘅校長。出奇地，佢地識同校長打招呼，然後佢地就直接去到Miss Lam同Miss Cheung面前
 
當時大白鯊個樣，係極為痛苦
 
於是我就八掛走過去扮幫媽媽手，睇下咩事
 
唔去還好，一去就得出驚人消息
 
「姨媽」x2
 
「姑媽」x2
 
咩…咩話?姨媽同姑媽?




 
大白鯊開始咬人
 
「呀!!!!妳地兩個唔好叫到我咁老啦!!!我都係大妳地媽咪1年咋!!!!」
 
「知道!姑!媽!」x2
 
「吼!!!!!!㗅!!!!!林雪晴!!!!」
 
林…林雪晴?Miss Lam叫林雪凝…即係，佢係Miss Lam個妹?
 
呢對孖女，係Miss Lam嘅外甥女?
 
Miss Lam係到幫佢地兩個整入學手續
 




「呀!!!!點解我以前個Hall冇咁靚架!!!!家姐呀!!叫姐夫係到同妳求多次婚好唔好呀?!」
 
「作死妳呀!!!!我當年唔應該俾妳同怕羞仔拍拖架!!!」
 
「聽到未呀Jasmine姐，家姐反對我地呀」
 
「反對妳咋!又唔係反對我」
 
「我應該同妳地老公講，妳地同佢地拍緊拖果時，係學校又好似Les咁出現」
 
「喂喂，雪晴，幫我扭一扭頸…尋晚瞓果時俾條羚羊撞左幾下…」
 
「睇過….」
 
啪!!!




 
「搞掂!!」
 
「姨媽，大表姐呢?」x2
 
「小敏今日係外邊呀，妳地想俾佢踢入會呀?」
 
「我地邊識打排球呢?」x2
 
「入學手續搞掂，妳地去俾錢買書啦」
 
「家姐呀…d書可唔可以…」
 
「得啦!!!!我叫老公拎返我到，星期六返ba b到食飯時拎啦」
 




「家姐妳真好人」
 
佢地三母女行出黎球場，同時亦見到一向高冷嘅小敏姐姐搵窿捐
 
「Jasmine…妳做咩呀?做咩走埋一二邊呀?」
 
但係，紙係包唔係火嘅….
 
「大表姐!!!!」x2
 
果對孖女發現左小敏姐姐之後就衝過去
 
而姐姐第一次係學校向Miss Lam叫救命
 
「媽….媽咪!!!」
 
「妳陪下兩個表妹啦!!!!」Miss Lam極速割蓆
 
好快，小敏姐姐俾對孖女左一邊右一邊咁捉住