我是一個學界的灰姑娘: 23. 我都有男仔追架

「小敏姐姐」
 
「嗯?咩事呀家琪?」
 
「其實…..我有少少野想問妳….但又唔太好意思」
 
「我唔係TB黎架喎」
 
「妳…妳點會知我想問咩架!?」
 




「妳地D F.1妹仲有咩問丫，我係鍾意男仔架」
 
「但係…又唔聽見妳有拍拖嘅?」
 
「我係有男仔追呀，不過我唔鍾意佢之嘛」
 
「姐姐妳有好多人追?」
 
小敏姐姐諗一諗
 




「幾個啦」
 
「邊到識架?」
 
「King屎d同聖類斯男仔囉，有時要接細佬放學，明明都F.1，仲要我接，激死!!已經要湊住個小二架啦，個F.1仔仲要我接。有時我一去到，幾間男校D男仔好似未見過我地英華同聖士提反D女仔咁，流哂口水咁出黎」
 
「咁姐姐妳點解決呀?」
 
「我咪話，我係恐怖雞個孫女囉」
 




「不過..F.1仔?」
 
「妳唔記得?我大果個細佬保護過妳一次喎」
 
「有咩?」
 
「上次妳媽咪想伸手打妳，佢咪一手將妳拉去佢身後保護妳囉」
 
我慢慢回憶返第一次見小敏姐姐果時D事
 
「果…果個係妳大嘅細佬?」
 
「係呀，程浩揚丫嘛，非常毒架，返到屋企溫完書做完功課就只係識玩模型，約同學打機。如果同佢去街，佢又鍾意周圍望女仔，特別係著長衫校服果D女仔，死變態佬!」
 
「但係姐姐妳好錫佢地兩個喎」




 
「咁做家姐，點都要照顧細佬。妳點呀?慣唔慣係到住?」
 
「幾好呀，媽媽唔洗咁粗勞先啦」
 
「係喎，平時妳地點買餸呀?」
 
「哦…買餸就交俾偉叔，平時佢會幫學校車文件同埋車D老師去開會，返黎果時佢會順便買埋餸」
 
「然後美姐煮呀?」
 
「唔通我煮咩?之後偉叔會洗碗」
 
「咁妳晏就呢?返宿舍食?」
 




「我咪返去拎飯返課室食囉」
 
「妳地而家生活唔錯丫」
 
「至少媽媽唔會咁辛苦先」
 
「妳地而家都好似一家三口呀」
 
「似咩?」
 
「妳自己覺得呢?」
 
「唔….我都想媽媽下半生有返個伴嘅，始終我都會嫁人…」
 
「妳咪叫佢搵返個伴囉」




 
「咁易咩」
 
我同小敏姐姐係到睇波
 
「本來呢…我想叫妳入排球隊嘅，但係妳又應承左婆婆要考頭五名以內，所以呢，都係唔好啦」
 
「我可以架喎，我分配到時間就得啦」
 
「真係?」
 
「係呀」
 
就係咁，我就跟左小敏姐姐去打排球