我是一個學界的灰姑娘: 7. 校長現身

係我讀嘅小學，有個大小姐級嘅同學一樣派左黎英華
 
「哎呀~~~呢個咪垃圾妹，余家琪囉，估唔到妳呢件垃圾都派到黎喎。妳令到我地班好冇面呀，今日著yasaki呀妳?有個執垃圾嘅同學同我地同班。做咩唔幫屋企去執垃圾呀?」
 
對方家長都係到冷嘲熱諷，話我唔緊要，我最憎就係人地話我媽媽，同埋過左身嘅爸爸
 
所以我今次忍唔住，雙眼充滿淚水，渣實拳頭望實對方
 
「唔滿意呀?打我啦，黎啦，呢到呀」
 




佢指住自己塊面
 
正當我想一把打過去時，媽媽阻止左我
 
佢對住我檸頭
 
「喂，垃圾妹，妳有冇錢搭車返學架?一陣妳由北角行返黎，一身汗味夾埋垃圾味，臭到其他人就唔好啦」
 
突然….有一個排球飛過黎，打中我小學同學塊面
 




我地一齊擰過去，見到有個姐姐帶住一大班排球隊係到撓手望住我地
 
呢班姐姐好有正義感「小妹妹，妳把口都好臭喎」
 
我認得，其中一個係小敏姐姐
 
同時間，有個唔係好高，不過煞氣好重嘅Miss行出黎，拎走我同學份入學證明
 
佢對住我同學講
 




「頭先我見妳不停用唔好聽說話攻擊呢位同學，妳已經嚴重違反我地校規第一條亦係最重要果條”尊重他人”我而家以訓導主任身份記妳一個大過」
 
「大過?」
 
之後另一位老師出現，佢有D眼熟，佢一開口之後，令到在場好多人震驚
 
「我係今年管F.1級嘅總班主任，林雪凝老師，我剛先見到妳用唔禮貌、近乎無賴行為去嘲笑其他身世冇咁好嘅同學，而家我記妳一個大過，根據本校校規，記滿兩個大過嘅學生需要立即退學，我地而定正式要求妳退學，後邊位老師會幫妳安排，請妳地完成手續後立即離開我地學校」
 
趕…趕出校?我舊同學未著過校服，未上過堂就俾人…俾英華趕左出校?
 
佢地聽到自己俾人趕出校時，家長非常激動
 
「點…點得架!!!校長…我要見校長!!!!」
 
同時副校長行出黎了解事件，佢轉身向兩位老師問發生咩事




 
「Jessie…Jasmine….，發生咩事?要驚動到校長?」
 
兩位老師解釋返一次剛先發生嘅事
 
副校長都同對方講，佢地已經嚴重犯左校規，兩位老師係依據校規行動
 
但係對方家長仍然唔肯罷休
 
「唔得!!我地要見校長!!!」
 
點知矮d煞氣好重果位老師講嘅野仲恐怖
 
「我係校長個女，張詩敏老師，亦係呢到嘅訓導主任，我隔離呢個係校長新抱，林雪凝老師，有咩事要搵我媽咪?可以同我講」
 




校….校長個女同新抱?
 
終於….校長出場
 
「有咩事要搵我?」校長把聲好有氣勢，比起佢個女更加有威嚴
 
但係…把聲好熟
 
轉身一望
 
原來…校長就係頭先果個校工…
 
「媽咪」「奶奶」
 
「詩敏、雪凝，唔洗講，我已經睇到哂。我係呢到校長，孔美玲，我絕對相信我個女同新抱所講嘅事，佢地以前都係我地學校模範生，我亦扮成校工見到所有野。呢位同學，麻煩妳立即退學，我都會通知妳小學同其他同我地友校校長，佢地都唔會接收妳呢種學生，麻煩妳自己去教育局申請再派位，保安!!!送客!!!」




 
聞名中西區嘅英華女校校長….絕技獅哮功….好犀利