我是一個學界的灰姑娘: 1.序章

“A simple act of caring creates an endless ripple that comes back to you。”

小小善行激起無限漣漪，那會回到你身上

呢一個格言，由我一位恩人寫俾我，而我就將佢張字條過膠，放左係我office位嘅檯面上

“嘟嘟嘟”我嘅特別電話響起，一睇，又係急症室

「程醫生，有病人經直昇機送緊黎，係一名孕婦，大約36週」





「情況?」

「已經聯絡左兩位直昇機醫生，妳可以去CS到同佢地聯絡」

我一邊聽住電話，一邊由office出黎，走去急症室

坐係CS到，戴上耳筒，傳黎兩把熟悉嘅聲音

「病人情況?」





「孕婦同胎兒心跳開始下降，孕婦頭部有傷，GCS9分」

我轉身同護士講「立即問下婦產科有冇位接收傷者，可能要緊急剖腹分娩」

「孕婦產檢醫院?」我再對直昇機問更多資料

「等陣先…係聖佐治醫院」

我問CS「聖佐治距離我地醫院幾耐?」





「大約20分鐘車程，但係而家係peak，保守估計要45分鐘」

45分鐘……媽媽同BB未必支持到…

「程醫生，暫時婦產科爆滿，分娩房冇位」

CS重覆護士說話「程醫生，分娩房爆滿，需要係急救室準備?」

係咪高峰之中傳出兩把聲音

「俾程醫生決定」x2

我雙手撓實考慮左10秒後

「送黎我地醫院，我係急救室接生，立即聯絡聖佐治要求將孕婦所有產檢資料送黎。」





「然後?」

「我剖腹生產，當胎兒出世之後，你地負責頭部受傷，有冇問題?」

「要同時間鬥快」

「幫我睇孕婦資料」

「明白」

「通知新生兒科，派人過黎支援」

我好快離開CS位置出去急救房





「準備緊急剖腹生產，另外準備頭部創傷、開髗工具，我地會進行兩個手術，麻醉劑準備，ultra sound、新生嬰兒套裝、暖燈，5分鐘內準備好。聯絡腦神經外科，要求佢地30分鐘內準備好加護病房」

「明白!」

「直昇機仲有幾耐到達?」

「ETA，8分鐘!」CS回覆

「一陣要額外人手，Jasmine姐係邊?」

「今日佢負責門診」

「通知佢我地將會有兩個緊急手術，麻煩佢調派護士過黎幫手」

「明白!!」





我趁8分鐘空檔去飲杯水同洗手間、行返到急救室時直昇機準備降落

兩個熟悉面孔推住傷者進入急救室

「立即麻醉進行緊急剖腹生產!!!」

「係!!!」

我行到埋傷者肚邊，摸一摸佢個肚

「小朋友乖，我好快帶妳出黎」

我用超聲波睇清楚胎兒狀態，另一方面，護士已經準備好消毒墊





「可以開刀!麻醉!」

「已經完成!」我望一望負責麻醉嘅佢，多年黎都係咁令人放心嘅笑容

佢笑一笑後繼續管理傷者呼吸及麻醉

較為年輕嘅另一個醫生就不停檢查

「手術刀!」我打開手，未講完呢句時，已經有把刀遞到我手上

我望住我身邊護士，多年黎佢都係咁支持我

「吸…..」同樣未講完指令，果位年輕醫生已經企左應該企嘅地方

同樣，佢一樣對我咁信賴

10分鐘後，bb喊聲響遍急救房

好快bb被帶去新生嬰兒病房，而我就替孕婦縫合排氣後走上前進行全身管理

「刀!」「開髗鑽」

「bb情況點呀?」

「非常穩定，媽媽呢?」

「清除積血後交俾腦神經外科就得」

「腦神經外科醫生?而家咪企左係我面前囉?」

佢對我微笑一下

「都係急症室多野學d」

「腦神經外科已經滿足唔到你?。30幾歲嘅醫生，好少有你地咁有經驗」

「係我幸運，遇上咁多病症者」

我地做手術時，會傾計減壓

「上次你個心臟緊急手術都受到心臟外科讚，想叫你地過去幫手啦」

「我地一有時間就去唔同科去學野架啦」

我地繼續進行手術

「呀!!!下星期家長日，差d唔記得添」

「你去定阿妹去?」

「一齊去，妳地都係一齊去?」

我望住負責觀察嘅佢

「當然啦」

15分鐘後……傷者被送往腦神經外科

我地三位醫生坐係Office到休息，我雖然唔係急症醫生，但係急症室Office內，有一個我專屬嘅位置

有杯熱朱古力放左係我面前

「唔該Jasmine姐」

「今晚記住去婆婆到食飯呀」

「知道，希望可以準時啦」

我係一個婦科專科醫生，不過係醫院內，我都會協助急症室進行急救，特別係有孕婦嘅Case，急症科係第一時間通知我去幫手

我成為醫生嘅原因嘛…要係我小朋友時代講起

那一年，係我小學三年級……