《賈渝，我們在一起》: 愛情

借完書回家後，我把書擱在一邊，開啟電腦。

「喂！！！」MSN傳來訊息。

是她。

「咩事?」

「你啊！放學果陣做咩粒聲唔出走左去？拜拜都冇句！你係咪好憎我，憎我留你堂？」句子末有個憤怒的公仔。





我何止不憎恨妳，而且有點喜歡妳。

「唔係啊......只不過係我慣左一個人，一個人食飯，一個人睇書，一個人放學......」

「你咁樣獨來獨往唔得架喎! 點識女仔啊?」跟隨在後的，是個狡猾的符號。

一時間，我不懂如何回答。

「er...我覺得......愛情冇得強求，愛情會係適當既時機俾我遇上一個適當既人。」





我承認我是偽文青。

「唔通你覺得你一直都係咁既話，愛神邱比特都會眷顧你?」

平時，我和其他人爭吵都會覺得很耐煩，反而這次，覺得很窩心。

「咁又唔係......」我只能這樣回答。

似乎，為了她，我必須改變自己。