為了實現媽媽遺願，我成為了女兒國唐僧: K777

Q：「不過你就唔好喺佢面前提呢啲唔該，我驚佢跳線。」咁佢而家對住我算唔算跳？我問邊個可以知答案…
我：「想問下…幽蘭咁對妳妳會唔會有壓力㗎？」我望住小幽蘭個樣，就算幽蘭而家每日生活算係正常，都係比唔上佢以前小朋友嘅笑容。
Q：「這個嘛…當你愛惜佢，而且相信佢嗰陣就唔會有壓力㗎喇。」我諗QQ一樣係因為愛惜我同埋相信我，所以先可以喺度無憂無慮咁寄宿，某啲時間重會借佢身體畀我。
而我，應該係同等咁對待返佢。
我：「Queenie，我想講…Flora佢對我好似有啲嘢，怪怪地咁。」無論點，同佢講定先對我嚟講都係一種保障。
Q：「哦，係呀，睇嚟你呢排真係好受歡迎咁喎，不過唔知你稟報咗畀娘娘聽未呢？易汪呢個女仔未必似得我咁咁大方㗎。」QQ妳咁講算係乜意思喎。
我：「關乜事呀，佢都係玩咋嘛…但我諗主因都係妳，自從識咗妳之後，學校就會有啲女仔黐埋嚟。」
Q：「你都幾好嘢㗎噃，而家怪返我轉頭添啦係咪？」
我：「咁就當然唔係啦，純粹講因果關係啫。」
Q：「咁又係呀，如果唔係你識到我，我諗易汪佢呢世都唔會得閒理你…咁你而家想點，有自來女無理由唔食㗎係咪先，而且睇落都幾好味吖。」




我：「哎唷，點會喎，佢又唔係我鍾意嗰type。」其實講出嚟都有啲難說服到我自己，撇開班女神唔講，兩個EX，Angel，韻婷，甚至係貞姐我都覺得幾唔錯。
Q：「係咪呀，唔鍾意，都可以食咗先算嘅。」
我：「真係唔會喇，佢又未夠秤，我又無乜需要…」
Q：「係咩…女仔嘅嘢，等下就會夠秤㗎啦，同埋…乜你唔會同人哋玩下前戲先咩？」QQ望住我嘅眼神係好犀利嘅，犀利到我唔識點形容，我同佢嘅相處有時係朋友，有時似SP多啲，但又可以係同學或者係兄妹，所以先會出現到呢啲咁奇怪嘅對話。
而且QQ彷彿有讀心術咁，睇穿咗我過河一定會濕腳。
我：「到時再算…我唔想攪到有任何人唔開心。」
Q：「唉，唔知你呀，想玩就玩啦，又唔關我事嘅，唔好整喊人哋攪到面阻阻又丟我架就得…話時話，健仔同你哋一齊做功課都可以睇得出佢對你有嘢嘅？」
我：「個仆街仔五點幾就走咗，因為臨時去拍拖…」
Q：「吖，人哋讓個大好機會畀你你重鬧返人哋轉頭都有嘅，真無陰功，你就開心啦，女大不中留，遲早食多隻豬，成就加一。」
我：「完全無諗過囉，但…點解妳知道佢係豬嘅？」




Q：「無㗎，估㗎咋，啲女仔堆都會係咁估嚟估去㗎啦，有傳佢係囉，不過你又知道佢係豬嘅？」
我：「我都唔知…覺得係㗎咋，信妳講囉。」
Q：「韻婷本身就肯定係豬，你放過咗人哋，而家換過個都唔錯呀，呢個睇嚟可以嚼完鬆，輕鬆加一。」