為了實現媽媽遺願，我成為了女兒國唐僧: K776

Q：「唔係可愛，我係要佔領世界嘅Kuromi。」如果大家睇過卡通，就會知Melody同Kuromi兩隻嘢係有幾咁低能，而唔知幾時Kuromi又進化咗個壞蛋系列出嚟…
我：「妳大豐收咁喎，幽蘭又助養妳呀？」
Q：「唔好咁話我啦，我有好惜好惜佢㗎，同埋呢度全部喺六十八買嘅，所以一啲都唔貴。」我都知唔貴，但兩件T恤，睡衣，短裙仔，睡褲…睇怕半個系列搬咗返嚟。
我：「咁呢個背包呢，六十八似乎無出啲咁嘅嘢。」
Q：「呢個係冬甩出嘅，都係非常實惠嘅款式。」
我：「妳平時鍾意孭LOEWE，變咗做卡通背包會唔會有啲怪？」有啲難想象佢同其他女神出街孭件咁嘅嘢。
Q：「呢個…唔知呀，幽蘭睇到好開心就話要買咯。」
呢個女仔…開心嘅方法唔係買嘢畀自己，而係買嘢畀人；重有就係要我接觸佢身體…總之佢開心就好啦。
呢個時候QQ著返件T恤，然後又專業咁喺入面拆返個Bra出嚟，有時我想叫佢唔使咁繁複，我可以當睇唔到就算，但諗諗下呢個其實都算係我哋嘅情趣嚟就由得佢。
我：「嘩…重多咗部…蘋果電腦添？」




Q：「係呀，佢upgrade咗部新嘅，驚我無電腦做功課所以就將原本嗰部借畀我用。」借？呢部荊州牌電腦嚟？
我打開望一望，當然有個pro字，而個登入畫面呢…
我：「我係第一次見到妳咁細個嘅相…」Wallpaper係佢同小幽蘭喺溜冰場影嘅相，小QQ著住件英倫格仔連身裙。
Q：「喂，咪變態啦，係咪戀童癖㗎。」
我：「唔係囉，好難得見到咁清純可愛嘅妳，重係處女嚟添…講笑啫。」
Q：「頂你個肺吖，而家係咪對我好不滿呀？乜你未見過處女嘅我咩？唔好同我講你中一二嗰陣無昅過我呀。」
我：「唔係同班，距離太遠，無乜意思。」
Q：「哦，嫌棄我囉，去搵左女神，佢重係處女。」
我：「無可能唔係啦，就算想呃都呃唔到。」
Q：「理論上係嘅，但如果真係要曳嘅話，五分鐘已經可以成事，唔好諗住全天候監察就一定守得住。」




我：「但佢唔會啦，點睇都重有排乖乖女。」
Q：「唔知道，不過…佢成日問我做愛舒唔舒服。」
我：「吓，佢會同妳講埋啲咁嘅嘢㗎？」
Q：「有乜問題？人哋正常女仔嚟㗎，唔似得Zilvia咁樣，你哋成班仔一齊嗰陣咪又係咁謦鹹濕嘢。」
我就嚟俾妳攪糊塗開始分唔到乜係正常，而如果Z知道妳話佢唔正常唔知道佢又會有乜感想呢？算，請容許我重申一次，無一個女神係正常嘅。