為了實現媽媽遺願，我成為了女兒國唐僧: K741

醫：「幾好，坐上床度啦，要幫你度脊椎平衡，唔該除咗件衫背對住我。」佢講得好平常，而我就開始緊張。
男仔除衫度當然無問題，如果係女仔呢？個Bra唔多唔少都會阻住㗎喎，即係要解開個扣？唔知使唔使除晒呢？係咪檢查完背脊就順便揸波check乳房呢？咁啲女仔咪避無可避？唉…好想睇QQ俾人檢查對波個樣。
然後我覺得呢個檢查係查我柔軟度多啲，係咁叫我烏低身…然後用把有啲凍嘅硬物拍落我後面推來推去，雖然未至於痛，但絕對感覺超奇怪。
醫：「嗯，OK喇，可以著返件衫先。」咦？係咪完喇？就係咁簡單？唔通我真係可以咁快甩難？
喺我著緊衫嗰陣醫生姐姐就喺我隔籬寫嘢。
醫：「你呀…睇你個樣都有做開運動嘅，其他嗰啲就大個仔自己搞掂啦，我唔係你阿媽都管唔到你，無食煙，無飲酒，無吸毒…喂，做乜呢度空咗格㗎？」
我：「你哋問埋啲咁嘅嘢，叫人點答喎。」
醫：「有乜唔知點答？有定無咋喎…不過你今年好似重好細個，重差兩個月先十六歲，雖然好大嚿…」
我：「所以…呢條問題唔係應該豁免小朋友唔使答㗎咩？」呢啲情況…我死都認自己係細路嚟啦。
醫：「吖，咁飲酒食煙你又識答？係咪驚答完我拉你報警去坐監先，基本上我哋就無呢啲制度嘅，如果唔係都唔會有吸毒呢一格啦。」信妳呀，啲女見親社工就無好下場…




我：「都無話驚唔驚嘅…我應該有權唔答條問題㗎可？」
醫：「唉，我換個問法嘞，你有無拍過拖呀？」
我：「咁就有嘅…」如果答無好似太假又失威。
醫：「係姐姐嚟？」醫生姐姐哄埋嚟望住我。
我：「有姐姐…亦都有妹妹。」
醫：「係叻仔喎，咁而家有無拍緊拖呀？」
我：「唔係叻仔…而家無。」
醫：「咁你之前同人哋拍拖開唔開心呀？」
我：「嗯，整體嚟講感覺良好，無乜問題嘅。」
醫：「剩係你開心定佢哋都開心先？有無將自己嘅快樂建築喺人哋嘅痛苦之上呀？」




我：「欸…點會喎，總之…去到最後都係正常相處咁囉…」
醫：「警告你呀下，唔准蝦女仔㗎。」
我：「唔會嘅，放心啦，我以後會對女仔更加好。」
醫：「咁最近…重有無發生過性行為呀？」
我：「醫生姐姐…我而家都無女朋友，何來性行為？」
醫：「喂，你家下當我小學生呀，男同女嘅關係有好多種，唔一定要拍拖先可以有性行為㗎喎，重有，要達到性行為重可以有好多其他渠道。」
我：「乜我似係嗰啲男仔嚟咩…」
醫：「點知你，咁有定無呀？唔係唔敢答我呀。」
我：「無，我未做得出嗰啲事情。」因為貧窮限制咗我嘅小笨象…其實又唔係嘅，而家我都無乜呢方面需要。