為了實現媽媽遺願，我成為了女兒國唐僧: K735

我：「對唔住…今晚又真係好似冷落咗妳嘅。」希望你哋唔好諗得太淫邪，嗰啲大揸特揸瓜田掘蜆係唔存在嘅。
我哋一早有共識，惜下嘴仔，摸下背脊同腰，俾佢肚仔感受下我器官嘅騷動…就係我哋平時條界線，而QQ都會拉起我件衫啜下咁。
Q：「呢個係乜嚟㗎？」佢指住啲牙印。
我：「港女…係不可理喻。」我都無得講大話。
Q：「我知你最鍾意啲不可理喻嘅港女。」
我：「唔係話鍾意嘅…過癮囉…但都係搵我笨。」
Q：「嗯，明晒，忍住，唔好出聲呀下…」嘩！呀屌…
佢重要慢慢咬，一路加大力度，正一死港女嚟…
Q：「我知你好鍾意我，係咁，退下啦。」然後我就帶住傷殘嘅軀體上床搵我個玩緊電話嘅爹地。
過一陣QQ都上埋床，熄燈齊齊準備瞓覺。




Q：『喂，你唔准同Yvonne玩到上床呀。』無得用把口嚟謦欬，我哋唯有化身觸屏戰士。
我：『小妹妹唔好咁多性幻想啦，如果咁容易有得玩到上床，呢個世界就唔會再有毒撚㗎喇。』
Q：『我點知佢，有時short short地㗎，話唔埋。』
我：『唓，咁妳之前又叫我將佢就地正法？』女人講嘢就係咁，一時一樣都唔知邊句係真。
Q：『我意思係，如果你真心鍾意佢嘅話我唔會管你同佢做啲乜，但你再玩落去好易出事㗎，我唔想個姐妹唔開心，亦唔想同你喺學校攪到要扮唔識咁。』
我：『放心啦，我係鍾意玩，但都唔會咁離譜嘅，而且我睇唔到同佢嘅可能性。』我想講YY嘅精神力絕對喺妳之上，妳真係少同佢擔心，舐嘢嗰個只會係我。
Q：『你都唔好貪方便走去攪細蚊喇，佢好鍾意你㗎。』
我：『知道喇，我會乖乖地唔會亂嚟。』QQ做乜神神化化咁，如果要攪嘅應該日撚日喺度攪緊啦，重要喺妳面前攪添，就睇下妳忍唔忍得住唔join我哋玩3P。
星期五唔一定特別開心，因為會派好多功課，而且我又要進入開工模式，而且今日放學之後我重要…
Y：「Zilvia，妳今日唔諗住嚟㗎啦？」




Z：「嗯，我諗住同幽蘭去打波，佢哋今日都係謦音樂日啲演出安排啫，我哋都搞掂晒。」
Q：「都係，有幽蘭喺度，我哋不如問佢意見重好。」
V：「妳哋唔好咁話我啦…我唔係特別叻㗎咋。」
Q：「既然係咁我都決定抖下，橫掂琴日練咗咁耐。」
Y：「嗯，咁我去兜個圈再八下學生會有無嘢攪先。」
U：「我都行先，要去練下排球，我已經走咗好多鑊，再唔去就嚟俾人踢走，叉仔記得鎖門呀！」
要記住…班女係永遠圍住我喺度講嘢，當我唔存在咁。
然後佢哋就開始四散，就連QQ都喺度火速執嘢。
Q：「幫我同你爹爹講今晚唔使預我食飯唔該。」
我：「妳今晚有嘢做？好夜先返嚟？」




Q：「又唔係好夜嘅，應該你去返工之前就會見到我，今日星期五…咁啱男朋友補習改期，所以咪去拍拖。」