為了實現媽媽遺願，我成為了女兒國唐僧: K717

V：「你鍾意啦，呢啲嘢唔使同我講，橫掂你哋一齊住鍾意做乜都得，只係你善良唔對佢做啲過份行為啫。」佢講完之後又一嘢啜落我嘴唇。
我：「多謝妳，不過講開又講妳心口好似大咗。」我順手隔住校服摸多兩嘢，始終唔知下次機會要等到幾時。
V：「嘻，你發現咗呀？我都覺呀！鹹濕仔唔好玩住先啦，管家嚟到我哋要落去攞嘢喇。」
落到樓下已經見到佢架車泊咗喺樓下，劉管家開住個車尾箱企喺隔籬，我哋第一時間就行過去攞嘢。
管：「唔好意思要勞煩大小姐落嚟攞嘢，最衰呢度無位泊車啲差佬又喺度行嚟行去，辛苦晒妳。」
V：「唔好咁講，其實都係佢搦嘢咋嘛。」
管：「嗱，呢兩大袋就勞煩小兄弟你喇。」真係幾重下…
V：「唔該晒管家，你預我哋十點散band啦。」散band呢兩個字就聽得多，形容得咁貼切都真係第一次。
管：「記住唔好擺趁熱食呀，啱啱隔兩條街間細扒房運過嚟，啲嘢重好新鮮熱辣辣，呢間啲出品唔錯㗎。」
我攞住兩大袋，而幽蘭就攞住兩小袋，其實差唔多啦，畢竟我哋三男六女等緊開餐，數學上每條仔只可以分到兩條女食；Sorry，係我錯，一時錯頻，變返乖乖仔先。




行返兩層樓梯上去都幾係嘢，工廈就梗係有（車立）㗎啦，只不過間band房喺尾位，門口一行出嚟就係後梯，我哋已經慣咗行兩層樓梯出入。
作為男仔我梗係讓佢行先，以免佢跌落樓梯嘅話無人墊住，我係咪好有風度呢？絕對唔係為咗昅裙底㗎！
V：「好嘢！大家開餐！」佢好似好開心咁。
呢個時候加百列就帶頭執好啲枱凳，呢個場其實無一個正式開餐嘅位置，啲凳有矮有高，梳化前面有張矮茶几，靠牆就有張迷你圓形高bar枱，總之就奇形怪狀啦。啲主菜勉強放晒上茶几之後，湯、小點同飲品就唯有放bar枱同埋矮櫃嘅邊，咁嘅環境都幾攪笑。
A：「原來大小姐要鋸扒，乜咁客氣呀。」團長坐咗上張高凳，隨手就喺bar枱上面攞咗杯嘢飲住嚟講。
V：「喂！杯mint tea我㗎！」唉，又嚟料…
A：「妳嫁？吓！妳嫁人嗱？乜咁快呀！睇唔出喎…」
V：「我係話！這杯薄荷茶是我的！Is mine！」
A：「吓…點解係妳？個杯都無寫名嘅…妳又無問過我哋飲乜食乜，我就梗係隨手是但攞㗎啦。」
V：「咁我請客就梗係由我分配㗎啦！男人老狗飲乜鬼薄荷茶呀？你攞咗我杯嘢而家我點影相呀？」嗯…




A：「吖，我咁風度翩翩又點會係男人老狗嚟呢，飲薄荷茶實在係合情合理，正常不過，最多還返畀妳囉，不過杯嘢有我口水尾㗎，妳飲完係聽我話先好。」