thriXt Qantasy 純文字安眠之作 (New: - U2K - 一直上架): K700

U：「唔關事囉，細個嗰陣唔會睇，到大個咗之後，我想睇咗實物先，因為覺得上網搵嚟睇無乜意義。」
我：「會唔會呀，呢個年代妳唔想睇都會彈出嚟㗎啦。」
U：「嗱，嗰啲細圖廣告就真係避無可避嘅，但我無專登搵過嚟睇囉，因為我想睇過實物之後先再搵。」
我：「其實呢個係乜嘢邏輯嚟？」
U：「無㗎，但我覺得咁樣型啲咋嘛，你哋條條仔都係上完鹹網先掂到真嘅女人，我鍾意掉返轉唔得咩？」
我：「嘩，原來係咁，不如我提早幫妳解放，等妳之後玩乜都再無後顧之憂。」
U：「你去死啦，你除咗想呃人隻豬重有乜識做？」
我：「唔好講到呃呃聲咁難聽，好多嘢你情我願㗎咋…況且我都係講啫，明知妳唔係玩嘅女仔嚟，而且咁樣…好影響我同其他女仔嘅關係㗎嘛，所以都係唔好嘞，我無咁迷妳囉。」
U：「為咗Queenie，你真係可以有女都唔食？」
我：「唔好話為咗邊個，我只係想…有真正嘅愛情。」




U：「嘩，好高尚咁喎，明明就係鹹濕仔一個嚟。」
我：「我係呀…肉體上係超鹹濕添囉，直頭想而家就一嘢揸落妳度，但理性上係明知實行唔到㗎嘛，除非個女仔太過吸引令到我理智崩壞，咁就真係唔得掂咯。」
U：「你個鹹濕仔都幾矛盾㗎喎，都唔知話你正常定黐線好。」
我：「是但啦，我剩係知道我性幻想妳唔會同妳講。」
U：「你個死變態！都唔明佢哋幾個點解會肯同你玩嘅…不過我想問下呢，你同佢哋有無玩埋嗰啲嘢㗎？」
我：「妳咁樣講到唔湯唔水，想我點答妳喎…」
U：「即係…玩埋啲大人嘢咁囉…」
我：「妳當佢哋係乜…好歹都係妳嘅姐妹嚟㗎噃。」
U：「咁佢哋有無見過你呢度呀。」佢用手指住。
我：「我只會誠實咁話妳聽佢哋係我嘅朋友嚟，至於佢哋有無見過我覺得唔重要吖，不過我就唔會話妳知喇，唔通我轉個頭又同佢哋講妳迫我除褲要睇我朘朘咩？」




U：「乜迫呀？！係你自己唔撚識計數咋嘛，係嘞，你頭先唔識計邊幾題呀？畀我睇下吖…唔係咁計㗎，其實呢啲數都唔係好難計咋嘛，而家AI年代你打條式上網好多時都可以搵到啲有用嘅提示㗎…」結果佢就教識我三條數。
我：「多謝妳…希望聽日測驗用得著。」我已經攰死。