為了實現媽媽遺願，我成為了女兒國唐僧: K694

Q：「無乜嘢嘅，重有底衫褲，係唔好意思啫…你又點呀，咁快返嚟又準備出去呀，你都係走唔甩㗎喇。」
我：「我不願置評，其實我想留喺屋企溫數學。」
Q：「吹啦你，計完四五條你咪又收工瞓晏覺。」
我：「是但啦…總之又要服侍嗰個女人。」
Q：「聽你爹地話啦，女班長都係好女仔嚟。」
我：「我唔反對嘅，某程度上嚟講佢好好添，不過妳唔使諗多，佢已經講到明唔鍾意我。」
Q：「吓！唔係呀？唔通你已經癲到同佢表白完再食埋檸檬？！」佢雙手抱面表示十分驚奇，順便唧起埋條溝…
我：「點會吖，只係吹水嗰陣講起啫，佢呢啲精益求精嘅女仔，話唔會鍾意我呢啲咁懶散無目標嘅仔…」
Q：「嚇死我，重以為你藝高人膽大已經征服埋佢。」
我：「說實話佢係幾正，但我睇唔到有呢個可能性。」




Q：「未必嘅，精益求精可能都多多益善，你咪精益下佢囉，等佢體驗下啲不一樣嘅快樂。」
我：「我唔想小命不保，我重要精益其他女仔㗎…」
Q：「每個女仔都有需要，只要你可以令到佢產生需要，嗰一刻佢就屬於你㗎喇，不妨試試。」佢摸摸我頭。
我：「道理我係明…但…玩女都唔揀佢啦，嫌命長咩。」
Q：「唉，我都體諒你嘅心情，算，畀你過過手癮，一陣唔好自掘墳墓喇下。」佢捉住我隻手放喺佢北半球上面，都唔知佢想點，雖則我好樂意為佢按摩一下啲嫩肉。
Q：「既然係咁，我都唔返嚟食飯，寫張字條先。」
我：「妳幫人補完習去拍拖？玩得開心啲喇喎。」
Q：「拍乜鬼拖吖，佢七半去補習，我陪佢去快咬咋，一個鐘都無，係當見下面啫。」
我：「該煨，真係勤力得佢，條女嚟搵自己好應該走堂吖。」就算遲到三隻都已經夠出精啦，QQ咁好手勢。
Q：「人哋唔係你呀！佢每一日都好努力準備DSE㗎。」




我：「嗯，睇嚟我果然係無女鍾意嘅男仔嚟。」
Q：「知你就好啦，嗱，攞埋本數學書出門口，一陣有空閒就攞出嚟睇下啦，天王星佢唔會溫數學㗎喇，佢重有更加緊要嘅事等緊佢。」因為佢唔使溫都識晒啫。
QQ出門先，過五分鐘就輪到我，其實我嚮往過啲更懶散嘅日子，例如拖住細蚊喺中心㞗hea；sor，唔係，都係抱住QQ喺佢張床陪佢瞓晏覺更加開心，但佢實在太努力。
U：「快啲行啦，速去速回呀。」
我：「吓，妳想點回法呀？」小回定大回呀？
U：「咁去咗土瓜灣先，然後再返新蒲崗都叫回吖。」
我又唔係好明，其實我哋喺學校附近都會俾同學撞到，但係就無乜人唱我同佢嘅關係，主力都係左右女神。上到地鐵我好自然又坐咗喺佢嘅左手邊，有時會捉住佢隻手玩下啲手指仔，佢望一望我但係就唔講嘢；啱呀，又係妳話借隻左手畀我用，我點都要收返啲成本㗎喇。