為了實現媽媽遺願，我成為了女兒國唐僧: K686

「咔嚓。」喺唔適合嘅時候總會有啲唔適合嘅聲音。
我哋兩個呆咗喺度，完全唔識畀任何反應。
爸：「各位小朋友好。」呢個人一如往常咁返嚟。
Q：「啊…安荷…吖！」佢腸都未吞就衝咗入廁所。
我：「你做乜返嚟都唔同我講聲先呀…」
爸：「突擊檢查，睇下有無小朋友喺度做壞事。」
我：「無，因為已經變咗做大朋友。」
爸：「咁又係，變咗大朋友之後做嗰啲已經唔係壞事。」
我：「哎，你想講乜咁呀，我哋一直好乖囉。」
爸：「無特別，等我放低啲嘢先…」




過咗一分鐘後QQ出返嚟，戴返個Bra唔見咗兩粒釘。
有啲嘢，總係無咗先識得珍惜…平時QQ真空對波又挺又凸，軟得嚟又有彈性，我就話睇到慣晒，但其實係非常之正，爹地睇到又點會唔受到刺激。
爸：「你哋繼續食飯啦，唔使理我。」
講就咁講，但佢喺度睇住我哋食腸又點會唔在意。
爸：「啱嘅，喺自己屋企梗係應該輕輕鬆鬆咁。」
我：「做乜喎，你而家返到嚟好唔輕鬆咩？」其實係無咁輕鬆嘅，因為有女仔喺度嘛，至少我沖完涼唔會J捹捹咁行出嚟，雖然呢隻曳豬實會話佢唔介意。
爸：「唔係呀，你哋兩個幾好吖嘛？」
我：「好好呀，一切照舊無變過，唔使擔心。」
爸：「咁…即係無進展啦？」
我：「乜進展喎！我同佢係同學嚟咋嘛，有乜好進。」




Q：「咳，重係普通朋友，就只係咁樣。」
爸：「呀，唔知你兩個呀…不過今次呢，隻船上面有啲鋪頭就嚟翻新，所以呢就有啲剩貨卸咗出嚟，我諗會啱妳用嘅Queenie。」然後佢喺個袋攞咗一大揸雜七雜八。
Q：「嘩！係CDP嘅唇膏！重有眼線筆！連蜜粉都有！」唔好問我點解佢咁興奮，正如佢唔會明點解男仔見到渣古同大魔會興奮。
爸：「係得呢啲咋，大枝嗰啲貴嘢已經俾女同事搶晒。」
Q：「唔緊要，嗰啲唔啱我用，留返畀佢哋啦。」
我：「咁…有無模型鋪或者顯卡鋪要翻新？」
爸：「你諗多咗，而家啲Bitcoin咁鬼貴，有排都唔會再有顯卡，乜你而家嗰張重唔夠用咩？」
我：「又唔會嘅，但你攞咁多呢啲返嚟教壞佢呀。」
Q：「乜喎，你自己無禮物就喺度話我都有嘅。」
我：「咁係吖嘛，學生以學業為重，成日喺度扮靚成何體統呢？」佢喺度對緊幾枝唇彩嘅色號。




Q：「吖，你好意思話我，我成績一丁點兒問題都無囉好唔好，你就真係應該拆返張顯卡出嚟賣咗佢溫多啲書。」