為了實現媽媽遺願，我成為了女兒國唐僧: K673

Q：「唔同班就唔friend得㗎咩？咁耐嘅嘢唔記得咯。」
Y：「咁妳之後又唔再玩嘅？」
Q：「因為嗰時就發覺…啲男仔實在超級麻煩。」
Z：「好在佢哋全部都嚟搵妳，無人嚟打攪我。」
Y：「其實妳喺度讀咗咁耐書有無收過情信，或者有人同妳表白？」
Z：「試過幾次嘅，不過我都無理，其實啲信我都唔知係咪情信嚟，因為我無打開過，只係全部收埋咗。」
Y：「吓…妳又唔掉咗佢或者鋸咗佢嘅？」
Z：「咁寫信嘅人總算係一番心機，但我又唔想睇…或者留返以後先嚟睇返囉。」
Y：「已經好耐喇喎，不如妳轉讓畀佢咁就唔使嘥。」
Q：「咪攪我，難得我而家可以清靜啲專心返學。」




Z：「不如…我哋度咗啲歌詞鋪排先，抽返啲難嘅部份出嚟，始終我哋嘅能力個個唔同。」
Y：「嗯，我都想試下戴住IEM嚟唱，聽聞感覺好唔同。」
Q：「索性錄埋音睇下結果係點囉，反正都要練。」
Y：「不過呢度好似多咗個無謂人喺度。」
我：「乜喎…話晒我嗰日都要幫妳哋調音㗎。」
Y：「走呀！唔准偷聽我哋女仔唱歌，都唔知醜嘅！」
就係咁，我俾佢哋趕咗出嚟；都黐鬼線嘅，我喺度聽妳哋謦八婆欬就無所謂，但聽妳哋唱歌就要趕人迻…」
天王星繼續練到無日無之，我唯一可以做嘅就係玩下電話，因為我實在無理由掉低佢哋自己走先；呢度環境其實唔錯，但我對全部樂器都實在無興趣，如果我想玩就一早喺屋企玩QQ部琴啦，不過夾band好似好型，孭住部電結他唱歌仔就可以溝死女，大把女送上門任你食。
Angel姐姐…我又掛住妳喇，唔知妳重想唔想做主音呢？
我坐緊嘅呢張梳化，應該都有band女喺度俾人扑過，上面可能重殘留咗啲仔仔嘅精液，不過無所謂啦，頭先啲女神咪又係咁坐；諗下無謂嘢，結果我攤喺上面瞓著咗。




Z：「好喇，咁我去join返爸媽食飯，妳哋繼續努力。」
我矇矇忪忪咁聽到佢開門走人，Q同Y送佢。
Q：「你條懶蟲吖，喺人哋地方瞓咗成粒鐘都有嘅。」
我：「唓，又唔俾我聽妳哋唱歌，我又無嘢好做。」
Q：「嘥鬼晒啲時間，上E-Class睇下notes都得嘅啫。」
我：「我連機都懶得打妳叫我走去溫書都有嘅，係呢，妳哋諗住幾點走，我夜啲重要去返工。」