為了實現媽媽遺願，我成為了女兒國唐僧: K671

U：「我可唔可以睇多兩次首歌個譜先？」
V：「唔使喇，又唔係上台，而家玩下咋嘛，阿爽你去開咗個錄音就開始啦。」呢個女仔真係話點就點。
U：「吓…重要錄音添？」
V：「試下效果咋嘛，咁緊張做乜喎。」
Q：「你坐低啦，我去開錄音就得。」
成班女仔都唔顧人感受嘅，我唯有勉為其難咁坐喺我老細嘅右手邊，但由於我要叉隻腳過去踩個右腳踏，又無理由用虧虧地嘅左腳踩㗎，正如打飛機唔可以用左手一樣嘅道理，所以個身係面向住班長坐，雙腳擘大包住佢個人，右手執咗枝鼓棍諗住亂敲幫下佢…但我哋嘅距離就好似親密得滯，幽蘭望住我笑，YY表示無眼睇。
幽蘭諗都唔諗就除咗天王星個耳機，release埋DTX條out線，即時聽到個軟件喺度播緊首歌，再㩒埋入去。
呢四分鐘入面我隻右手喺度敲敲敲，打開機嘅我未至於一個鼓都敲唔中，而且我又玩過QQ隻軟件同PS版太鼓，比較難係控制揮棍嘅力度同埋撞擊嘅delay，太大力會回唔切棍，又唔可以硬撞轆木食死個鼓面，但隻腳就…啲三連踩當然果斷放棄，但右手郁緊嗰陣隻腳係完全唔聽話郁唔到，係空踩嗰陣先做到一下單踩。
如果當打機咁玩係唔錯嘅，不過當妳個目標係為咗比賽…
唔知同姿勢有無關係，打完呢四分鐘隻右手好似玩完龍舟掛鼓咁，重要個對像係天王星。




V：「好！睇下錄成點先。」幽蘭個樣玩得好開心咁，而女班長就差唔多一副四面楚歌咁嘅款。
Z：「入唔入去聽下錄成點呀？」
U：「唔喇，我要回一回氣…頭先啲連打亂晒費事聽喇。」
見佢個樣灰灰地，我就決定繼續坐喺佢隔籬陪下佢，咁坐姿就當然係拉返開無再夾住佢，我驚小雞不保咋。
我：「慢慢嚟啦，音樂呢啲嘢係無得勉強㗎。」
U：「唔可以慢，重有個零月就要上台表演…我麻煩咗咁多人，大家都出盡全力幫我，唔可以令佢哋失望。」
我：「其實妳哋係玩音樂日咋，男班長嗰啲由得佢啦。」
U：「死人爽，你可唔可以幫我一個忙？」
我：「大佬，我今年都聽晒妳話㗎啦，點會唔幫妳喎，但問題係我都唔係band友，就連音樂考試都可以肥佬嘅，我無嘢做到㗎喎，妳又唔係打完我一身就會識打鼓嘅。」
U：「你好簡單就可以幫到我，如果我上台前一日都未可以打中晒啲音符，我個身體…畀你任玩。」