係同屋失友?定係同居勿友?只想同妳做普通朋友…🤦🏻♂️: K645
我:「咁阿健都未嚟,我諗住等埋佢先咋嘛。」
U:「人哋要練波遲啲先嚟係天經地義,你呢?唔好同我講你有正經嘢做呀。」我想嘅咩,成十二點先放工我梗係想瞓多陣㗎啦,至於幽蘭佢星期六係要補習所以我絕對唔會質疑佢。
龜:「阿爽,麻煩晒喇…」宅男咁早返去為乜…
等咗陣我就已經收到個餐單,分別有pizza,炸雞,大家樂,燒臘飯…呢班無人性嘅賤人,當我係黃綠袋鼠熊貓三合一咩,如果剩係幫幾個女神買我實樂意之至㗎,男班長同主席有手有腳做乜唔幫手買喎。
點都好,又係我開外賣app加清優惠券兼儲印花嘅時候,買咁多嘢收返十足錢,我諗實有三四十蚊賺下。結果我足足搞咗九個字先買齊晒所有食物,一個人搦住四五袋嘢…
我:「喂,我到咗下面喇,你哋可以落嚟食。」
U:「唔使,你攞上嚟課室啦。」由於我唔想成日俾人唱,我係打畀女班長instead of QQ。
我:「吓,課室唔准食嘢㗎喎,妳靠害呀?」
U:「唔係呀,我伸請咗做正規活動,所以今餐係可以喺課室食,你攞上嚟啦,如果有先生問你交我個名出去就得。」乜整壁報都可以申請做社團活動?學校由得啲女神想點就點有無攪錯,平時係得聖誕聯歡先可以喺課室食…
最大問題係我要䟫幾層樓上去…咦,唔係喎,今日學校無乜人,等我偷偷哋搭(車立)先,爽呀!
我:「呀!攰死我喇…」我即刻放低咗啲嘢喺先生枱。
佢哋全部人都喺度整緊嘢,三條仔愁眉苦面咁圍住兩張枱剪剪剪,如果遠睇嘅話會以為佢哋喺度摺緊金銀衣紙。
我:「你哋攪乜呀,又俾啲女欺壓呀?」
豬:「你有眼睇㗎,咪喺度剪緊數目字。」
龜:「個8字好難剪呀,唔好畀晒我得唔得…」
我:「做乜要整咁多數字,明明啲元素黐晒鎅字貼紙。」
慕:「佢哋話左手邊要整個每日數獨嘅corner,用嚟訓練同學邏輯思維嘅能力…」今勻真係唔方唔快樂小角落咯,聽完我第一時間就想捉YY同天王星嚟互Con,或者由我嚟Con佢哋都無問題,就睇妳妹妹軟定我JJ硬。
正所謂鷸蚌相爭,清水龍潭插竹桿,就等我蠔殼都鋤爆妳哋,名符其實真正嘅掃毒,妳班有毒嘅女神…
我:「咁都係應該…九九八十一粒咁大把啫?」
慕:「唔得,因為要分返開原本題目嘅字粒要唔同顏色,所以一共係兩套一百六十二粒。」
佢哋剪緊嘅係一啲好薄嘅軟磁貼,上面就黐咗啲有勾邊嘅貼紙,呢啲制作無得用電腦鎅字解決…