為了實現媽媽遺願，我成為了女兒國唐僧: K643

我：「大佬，我唔係為咗玩㗎！如果嗰陣我唔去搵返啲錢，嗰小小積蓄好快就會使晒，到時飯都無得開。」
健：「係喇係喇，知你惜晒女神…我喺度諗，返一日工就應該夠同佢玩一日，返兩日就可以同佢慶祝啲乜特別日子咁，到時同佢就會相處得好啲。」
我：「你肯定？而家迪迪尼貴到打劫咁㗎喎，重唔計你要買少少嘢同食飯呢，返兩日工真係夠？」
健：「哈…都唔係幾夠，咁我自己重有零用錢㗎嘛，阿欣又唔會要我畀晒嘅，但我同自己講過，以後開房嘅錢一定要由我出晒。」唓，好威咩，扑嘢梗要畀錢㗎啦。
我：「重有呀，得閒記住買啲小禮物，潘朵拉唔錯嘅。」
健：「妖，你當佢係你啲女神咩，咪以己度人啦。」
我：「點都好啦，我知你同佢係認真…不過我想瞭解下，其實你已經同佢扑過咁多次嘢，重有無當初嘅嗰份感動？會唔會覺得不外如是，甚至想識下其他女仔？」
健：「想㗎，甚至想再同佢個好姐妹做多次愛…但係，而家唔係為咗扑嘢囉，我想同佢過得開開心心，如果係你嘅話，你會唔會同Queenie扑完就唔再鍾意人哋吖？」
我：「唔會啦，就算有無得扑都好…同佢住過呢段日子，我諗成世人，可能佢結婚離埋婚再結過，我都會好似而家咁對佢，只希望佢過得好。」
健：「嘩，衰得你吖，咁樣咒人哋得唔到幸福。」


我：「咁…佢係難服侍嘛，啲人都話越叻女就越易離婚。」尤其係佢哋最叻踢爆男人偷食同埋自己派帽。
健：「係嘅，佢哋要求咁高唔似得啲普通人，聽聞阿康而家同韻婷發展得唔錯，有時兩個一齊放學重去行街。」
我：「幾好，我同隻Q住埋一齊，無可能拖住佢㗎喇。」
健：「係呢，點解頭先佢哋話…你係Y隻兵嚟嘅？」
我：「算啦，你唔知好過知…呢啲女神們嘅遊戲，我嘅立場係只要Queenie覺得OK我就會配合佢哋，邊個女仔都好啦，反正個個都係靚女我唔會蝕底嘅。」
健：「認真問你，如果你唔係同隻Q一齊住，而咁多位女神任你揀嘅話你又會點選擇？」
我：「好唔現實喎，就算佢哋個個咁高Spec都要睇點認識同相處啦，不過人生流流長，計我話可能咁多個都愛過晒，最後先同一個普通女仔拉埋天窗係最幸福。」
健：「仆街得你吖，隻Q知道實嬲死你都似。」
我：「佢唔會啦，時不時都叫我溝佢啲姐妹嘅…講真一個人唔會贏晒，唔通我可以話Queenie一定好過天王星咩，再加埋幽蘭呢啲，先唔好講我花唔花心，正常男仔點會唔俾佢哋吸引到喎，點是但揀一個…」
健：「但係隻Y…喺佢哋之中似乎係比較一般。」


我：「咁佢哋既然玩得埋，就總係有啲原因嘅…」唔係想幫易汪洗白，但佢喺入面同QQ鬥嘴的確係幾有效果，唔通成堆Zilvia咁喺度得個悶字咩。