為了實現媽媽遺願，我成為了女兒國唐僧: K614

我：「妳哋唔好咁啦，我只係一個好正常同平凡嘅女仔…」講基嘅話應該幽蘭先係首選…
※※※※※
吖，死火喇，點算好…雖然佢好靚仔…
我：「請問…我要做啲乜？」佢望到我實一實…
A：「孤男寡女共處一室，當然做啲男仔女仔鍾意做嘅事情啦。」明明…不過佢把聲真係好溫柔。
我…唔知道女仔鍾意做啲乜…但男仔…應該想摸我？對波…定係會揭開我條裙？會唔會惜我…我嘅初吻…
A：「係嘞，妳玩開長笛，可唔可以畀我睇下？」
我：「呀…可以，就喺呢度…」我打開咗個盒。
A：「玩開吹樂，妳梗係好識吹㗎喇。」
吖…點算…雖然未接觸過…但我唔係唔明…Queenie同Yvonne啲對話曾經都暗示過，不過佢哋係大個女…


A：「Zilvia唔使咁緊張喎，妳兩隻手握到有指甲印喇。」
我：「我…乜都唔識…未試過…」
A：「放鬆啲，凡事總有第一次㗎嘛，我會好好幫妳嘅，一定唔會令妳辛苦，嚟啦，鬆返開兩隻手，坐直個人望住我。」無可奈何之下我聽佢話，而佢越貼越近…
我：「我…我好驚…」佢呼出嚟嘅空氣打落我塊面。
A：「無事嘅，首先輕輕打開個嘴再嘟起，唔好諗太多，然後再瞇埋對眼。」係咪只要眼不見…就乾淨。
Queenie接受到，Yvonne接受到，係咪我都應該可以接受到？因為我始終係一個女人嚟；而且我可以幫到Uranus，如果我吹一吹可以令佢唔使同男人上床，保住佢嘅貞潔；只係一次咋，感覺上呢個哥哥唔會好衰，佢以後唔會騷擾我，只要過咗去就可以無咗件事。
等咗一陣都無反應，我好似聽到啲聲，然後有啲凍凍地嘅嘢掂到我個嘴，一定唔係人嘅身體嚟，然後我擘開眼。
A：「嚟，啜住吖，用手揦返先。」
我：「團…長，你想我點？」
A：「咪吹囉，妳吹開我實叫妳吹㗎喎，就吹妳最鍾意又最拿手嘅曲目畀我聽啦。」佢個樣變到好認真…


我俾佢攪到唔知點好，然後就揀咗首有信心嘅吹畀佢聽。
A：「認真唔錯喎，留喺學校玩其實嘥咗妳，唔知妳會唔會有興趣加入出面啲管弦樂團呢？」
我：「我諗…暫時唔會喇，我都係鍾意同佢哋幾個玩，同埋…我想專心啲讀書先。」
A：「既然妳咁講我都無謂迫妳，多謝妳嘅私人演出，咁就…係咁先啦。」
我：「即係…我唔需要做其他嘢嗱？」
A：「吓，妳乜都唔識點敢叫妳幫我真吹呀，陣間咬斷我條嘢咪一塞足成千古恨？」
我：「邊會喎…我無咁粗魯。」