係同屋失友?定係同居勿友?只想同妳做普通朋友…🤦🏻♂️: K613
Z:「咁我要做啲乜?」佢出奇哋冷靜。
A:「無嘅,我想喺度同妳獨處一室溝通下咁啫。」
U:「喂,你到底想對我姐妹點樣?」
A:「又唔使咁擔心嘅,呢度好歹都係學校嚟,我唔會喪心病狂到喺光天化日之下將個良家少女強姦嘅。」
Z:「可以,我應承你,無問題。」
A:「嗱,妳哋聽到啦,係佢願意為咗妳哋作出奉獻。」
V:「得唔得㗎,如果佢夾硬嚟妳記住大嗌。」
U:「妳嘅安全比我嘅輸贏更加重要,如果佢敢傷害妳…我絕對唔會要佢幫,兼夾打扁佢。」
A:「好喇,妳哋四個去門口出面繼續開下八婆會先。」
既然Zilvia話無問題,我哋幾個都唯有出去等住先。
U:「喂呀,妳朋友係乜嘢人嚟㗎?」
Y:「黐線佬,神經漢,精神病患者?乜都好啦…」
U:「我係想知道佢究竟係咪真係幫到我哋?」
Y:「見Zilvia唔喺度先同妳哋講…衰啲講句,如果換轉我係妳而家嘅處境,佢肯出全力幫手嘅話,莫講話上床,佢想點樣玩我都會應承。」
V:「吓…唔係呀…妳有無咁放蕩呀?」
Y:「無,我平時唔係咁,對住其他人都唔會咁,只不過喺某啲時候咁樣做會太方便啫…雖然好對唔住男朋友…」
V:「啊,係咪人哋靚仔妳先咁講?」
Y:「一半半啦,就算佢係靚仔我對佢都無乜感覺,只不過…發生啲乜嘢事嘅話唔會覺得太蝕底啫。」
V:「但係我唔明佢點解要揀Zilvia…唔通佢鍾意平胸?」
Y:「唔好分析一個精神病人,我諗呢啲都唔係重點嚟…講真佢想要女嘅話打個電話就有啦,ABCDE都得。」
V:「靚仔啲啫,有無咁過份呀?」
Y:「呃妳哋做乜喎,妳個好朋友咪又係咁,想要仔打個電話就有。」
我:「吖,妳乜嘢意思呀,做乜燒埋我,我剩係打電話畀男朋友㗎咋。」
Y:「妳點話就點好啦,如果要搵男班長幫手我實推薦妳嘅,例如叫佢solo嗰陣唔好咁落力…」
U:「咪呀!我係要一場公平嘅比賽,但而家點算呀,Zilvia平時咁驚男仔,我實在係好擔心…」
Y:「都無辦法…但佢始終有一日要面對㗎,唔通成世唔掂男仔咩,定係妳想轉基娶佢做老婆?」
U:「先唔講我同佢係咪會鍾意女仔,就算係,我唔認為佢會揀我。」
Y:「同意嘅,Zilvia最鍾意黐住嘅其實係呢個。」
V:「原來係咁,Queenie果然係又可愛又玩得,實在係人見人愛。」佢一路講一路抱住我隻手放喺佢乳溝中間…