係同屋失友？定係同居勿友？只想同妳做普通朋友…🤦🏻‍♂️: K600

我：「粒蛋我幫妳洗乾淨咗喇，還返畀妳先，但係…」
Q：「但係乜呀，鹹濕仔？」
我：「頭先我處理嗰陣一時忍唔住擦槍走火，結果好多，所以…妳條底攪到咁…我覺得應該要畀妳檢查下先。」
Q：「該煨咯，白汁滑蛋飯咁嘅樣，你唔係諗住要我再著返呢條底褲呀？」
我：「唔敢，如果妳認為接受唔到…我可以將佢銷毀。」
Q：「是但啦，你嗰啲嘢…遲早都會入去我嗰度㗎啦。」
我：「妳講真㗎？多謝女神！」我向佢鞠躬。
Q：「之前咪講過囉，我先唔會咁衰女反口，不過你唔使咁開心住呀！可能十年後我俾仔飛傷心得滯先約你出嚟玩㗎咋，到時唔准say no㗎。」
我：「妳話點就點啦，都好吖…」
Q：「快啲攞去浸，然後返嚟煮飯仔呀，肚餓喇。」




有時我都唔知我哋嘅生活究竟係胡鬧定正常，但作為一對無血緣關係嘅青年男女住埋一齊晚晚對住，又有乜可能唔會喺屋企互相調戲下喎，正如我相信天下間所有血氣方剛嘅男孩子都一定J過隔籬位女同學，除非佢係基嘅，又或者位女同學真係豬扒得太過緊要啦。
食食下飯，我先諗起有啲正題要同佢謦下。
我：「係呢，天王星啱啱單嘢妳知道咗未呀？」
Q：「嗯，頭先放咗學我哋咪喺學校討論呢樣嘢囉。」
我：「咁有乜結論，妳哋真係識夾band？」
Q：「有乜可能識，你玩開陀螺唔通就會識玩搖搖？」我唔知呢個係乜比喻嚟，但係似乎又幾有道理。
我：「咁點算呀，唔係直接認輸呀？」
Q：「呢個…應該係無可能嘅事嚟，你都知天王星嘅性格，講真我哋幾個玩開音樂，你叫我哋換樣樂器做啲簡單嘅performance，又或者唱下歌都問題不大，最大問題就係天王星，佢以為有個零月就可以學識夾band，而且佢除咗牧童笛就乜樂器都無學過，重一心諗住要贏…」
我：「其實妳哋知唔知Myth佢哋實力係點？」
Q：「唔太清楚，但有時喺門口聽到佢哋夾感覺上係正常，以我哋級嚟講係得佢哋幾個係認真夾，就算計晒全校都係得三四隊有資格上台演出，應該唔會太渣嘅，好似有某啲妹都會迷下佢哋咁。」




我：「咁計法係咪即係輸硬？」
Q：「唔一定，你要記住幽蘭係一個好恐怖嘅女仔…你畀兩部keyboard佢分分鐘可以比得上半隊band，Myth佢哋得四條友係無人專職keyboard，呢點係硬傷，而幽蘭同Zilvia其實都識識地彈結他，最大問題係如果我哋咁贏法根本就唔係天王星贏，我哋要諗辦法安排個位畀佢…」
我：「佢乜都無玩過可以負責啲乜？」
Q：「計過度過，除咗打鼓好似無第二個可能…而幽蘭一定會讓keyboard個位畀我，咁可能變咗要迫Yvonne學bass，我相信問題不大嘅…但係我哋本身都無人識打鼓，唔好話要教曉天王星，就算自學都唔係易。」