為了實現媽媽遺願，我成為了女兒國唐僧: K567

U：「你放心啦！我一定會堂堂正正咁贏你。」講完佢就帶埋幾條女走咗，睇得出YY勁心煩。
然後其他人都走埋，剩返我一條友喺度，好空虛…
QQ唔喺度先嚟發生呢啲事，唉…唔知佢會唔會贊成幽蘭嘅火上加油呢？不過據我認知佢係超級就幽蘭嘅…
喺走廊踱咗兩轉之後，唔知點解我走咗去音樂室…當我一伸個頭入去䚎嘅時候，YY已經帶住奸笑自動波走咗出嚟，而佢身邊嘅Zilvia就十足十成頭問號。
Y：「咁錯蕩呀，大少，係咪想入嚟吹啲打呢？」
我：「YY…對唔住呀，我激嬲咗QQ…」
Y：「你條粉腸又唔係激嬲咗我，同我對唔住嚟做乜？」
我：「我想講…QQ佢消失咗，我點都搵唔到佢…」
Y：「唔使你講我哋都知啦，啲群聊佢都無收到。」
我：「點算呀，我好擔心呀…」




Y：「抵你死啦，你都有今日喇，不過我同你講，佢就好硬淨嘅，就算俾毒梟綁架，剝埋光豬再吊起應該都無事。」
我：「妳係咪黐線㗎，咁樣有乜可能無事？」
Y：「有事又點？搵我都無用㗎，搵最關心你哋嘅幽蘭好過啦。」YY啲眼神奇奇怪怪咁。
我：「妳…係咪知道…佢知道…」
Y：「Stop，你唔使同我講，我唔想知太多嘢，幽蘭確實係好聰明，但我都唔係傻嘅，當我知道某啲嘢就會認為佢有啲唔自然，不過都唔關我事，我乜都唔會講。」
我：「不過幽蘭睇怕已經返咗屋企…」
Y：「咁又唔係喎，佢而家應該喺禮堂打緊波。」
我：「吓，點解會咁嘅，我都唔知…」
Y：「人哋就係想搵多啲嘢玩唔想咁早返屋企，Zilvia個傻妹應承咗一齊陪佢㗎，不過撞到應一應唔知佢點分身…」
我：「原來係咁，都好嘅…YY，我可唔可以摸下妳呀？」




Y：「吓，你憑乜要我俾你摸呀？」
我：「QQ唔見咗，我個靈魂就好似不停咁轆緊落山個心安定唔到，再唔掂一掂下女仔我會黐線㗎喇…」
點知YY指一指自己左邊心口。
我：「真係可以？」本來我只係諗住捉下佢手臂。
Y：「你係咪唔記得咗我乜地位？我講嘅嘢就係絕對。」
既然佢咁講，見周圍無人我就覆蓋咗隻手掌上去，但無好大力揸，果然感覺即刻好返少少。
Y：「自己諗辦法啦，如果佢消失咗，我永遠都取代唔到佢㗎，放手啦，呢筆數遲啲先同你慢慢計。」
我：「哦…係呢，夾band嗰度諗住點？」
Y：「等QQ返埋嚟先一齊謦啦…總之就頭痛，我哋夾硬玩band唔係最大鑊，而係Uranus真係乜都唔識㗎，就連唱歌…所以我唔諗住喇。」