為了實現媽媽遺願，我成為了女兒國唐僧: K565

睇嚟佢對多我一分鐘都唔想，晨早就已經出咗門口…
好彩我琴晚嬲到電話都無心情轆直接瞓咗所以都夠飽。
返到學校，當然無人draw鎖匙，可能去咗早餐掛…
最差情況，佢會要求Miss調位，而且極可能唔係自己走而係調走我…繼而，我同佢啲姐妹鬧翻埋…以後我嘅親信可能得返YY一個，希望係。
但問題係妳返到嚟咪又要對住我…間屋都無房。
算啦，都係陣間道歉先，始終佢係難服侍死港女。
我搦住張點名紙逐個人名剔，讀咗十年書有多第一次感受到原來自己可以知道晒全班同學嘅學號…但問題係QQ嗰一格去到最後重係吉咗…
U：「小有喎，平時咁硬淨嘅Queenie竟然無返學？」
而呢個時候鐘聲響起，鄧老師亦目無表情咁入咗嚟。
我：「Miss，茜旎佢…今日無返。」




鄧：「嗯，唔該，返埋位啦。」我諗我哋都目無表情。
V：「唔係你條友仔煮嘢食唔乾淨食壞咗我個friend呀？」佢喺我耳邊細細聲講，因為佢都知唔俾得人知。
我：「點會喎…」
QQ，妳到底去咗邊…識咗妳就嚟一年都未試過咁樣。
第一個可能，佢而家已經返返屋企大覺瞓。
第二個可能，佢條仔今日放假順便過去偷跳。
第三個可能，佢去搵直播啲仔尋開心…甚至乎如我所願去賣春，求下妳唔好啦，其實我重請得起妳食龍蝦…
第四個可能，向好嗰邊諗，佢化悲憤為力量去做gym。
我只知道，呢個女仔一定唔會浪費時間無所事事遊街。
結果，我成個上晝個腦就喺度loop呢幾樣嘢，完全無上過堂；到食飯嗰陣，YY睥咗我一眼之後就同其他姐妹食飯…




健：「一齊食？」
我：「唔喇。」無心情理佢，因為我要趕返上屋企。
返到去…當然係空無一人，如果佢要避我，又點會放飯嗰陣繼續留喺度；咪住，我深呼吸一下，我可以基本上肯定間屋由我今朝出去到而家都係無人嘅，張被嘅形狀，枱上面嘅水杯…係喎！我應該check佢啲衣物！
經過一輪翻箱倒籠之後，我可以確認佢套校服同皮鞋都喺晒度，而出去嘅鞋係佢平時做運動嗰對，衫褲方面…佢實在係太多所以我確定唔到佢攞走咗幾多，感覺好似無咗多過一套…QQ…妳到底去咗邊？
我當然有打過電話畀佢，無開機…就連訊息都係單剔…
我好擔心妳呀QQ，妳千祈唔好走去做傻事，係我衰…
點解我會鬧妳㗎…明明細蚊嚟幫我揼邪骨又得，我射到韻婷成身都係又得，咁妳呢個正牌女神可以有三四個老公都好合理啫，歸根究柢係我衰呷醋。