係同屋失友？定係同居勿友？只想同妳做普通朋友…🤦🏻‍♂️: K549

健：「唓，你身邊成堆女神梗係咁講。」
我：「唔使咁話我，其實你都擁有一個屬於你嘅右女神…」即係我個成日露顏色Bra帶嘅前女神。
健：「我無咁自虐，乜你會J佢嘅咩？」
我：「佢求我咪施捨畀佢囉，驚佢妒忌Queenie攪到月經失調就唔係幾好，我擔當唔起。」
健：「都唔知你哋幾個係乜關係。」
我：「我自己都唔知，埋單走人返去等放學。」然而…
U：「我作死你呀！你唔好再遲啲先返嚟？你個女神都已經一早返到。」連QQ都懶得理佢唔搭嘴。
我：「親愛嘅和平女班長，唔知我又做錯啲乜呢？」
U：「一陣split班呀，你唔早啲返嚟點名一陣點點呀？」
我：「朝早都無人話下晝唔返，跟住剔晒佢咪係囉。」




U：「咁你都要返嚟剔㗎，唔好唔記得你應承過我啲乜…」
我：「睇過先。」原來重爭幾個剔，包括我同埋阿健，跟手我捲起張紙令到變成一個紙筒，再一嘢扑落女班長個柒頭上面，定係…叫閪頭會好啲呢？卟…全班睇住。
U：「好呀！你玩嘢吖嘛，小心你要點到中六last day！」鑑於佢好唔鍾意人哋話佢暴力，所以佢無出手還擊，個人認為佢好想隨手喺枱面攞本書再一嘢拍落我個頭。
每次一同佢哋互動就全世界留意住，放飯同QQ食，返嚟同女班長耍花槍，我諗細龜以外嘅男同學都想殺咗我。
分完班房我個腦重邊有餘力上堂，一直俾健仔嘅事纏繞…
W：「喂…喂…交叉仔，我同緊你講嘢呀…」一手撞埋嚟。
我：「係…呀…係乜事呀？」
W：「做乜你成堂一句嘢都唔講嘅，好多嘢煩？」
我：「唔係呀，我只係望住個黑板咋嘛。」的確我係無嘢要煩，諗住健仔同欣姐同不知名姐姐嘅性愛場面亦著實無謂，呢啲嘢諗係無用嘅，係要做出嚟，但我唔想開口問QQ，又唔敢撩其他女，亦唔好意思搵細蚊。
W：「我想問啲微分你識唔識呀？」




我：「識識地掛，又唔係聽日就考，我諗無所謂嘅。」事實上我識條毛，因為諗住是但問條女都解決到我問題。
W：「唉，我完全聽唔明呀，一講到d我已經投晒降，我諗清楚自己實在係無能力讀埋呢一科，肯讀都讀唔掂會嘥晒啲時間，所以我決定drop喇，今堂係最後一堂同你上。」
我：「呀，乜…咁突然呀。」
W：「有乜咁突然，本身一早講好咗睇下自己讀唔讀得嚟，而家證實咗無得勉強，本身科數學已經整死我咁滯，我寧願將啲精力擺晒落必修數算喇。」
我：「妳都講得啱嘅，M1真係有啲深…咁，呀同埋…妳…祝妳搵到幸福，要開開心心呀。」
W：「放心，我一定會，不過講幸福我邊夠你嚟吖，身邊啲靚女越嚟越多，我係女仔睇到都羨慕呀。」