thriXt Qantasy 純文字安眠之作 (New: - U2K - 一直上架): K535

我：「係，知道…妳對我已經好好。」
欣：「唉，無眼睇你…食完飯諗住去邊？爆房？」
我：「唔一定嘅…我想見妳，唔一定係為咗嗰啲嘢。」
欣：「咁，你有無節目安排畀我？有無地方去？」
我：「我…呢個禮拜都搵唔到妳…所以…」
欣：「大熱天時唔想周圍行，係咪諗住sponsor我喺商場shopping？」
我：「呢層…妳都知我能力有限…」
欣：「咁好明顯，除咗開房之外其實別無選擇。」
我：「欣…對唔住…我知我準備得唔夠好。」
欣：「唔使道歉，本身我就無期望過你。」




點算，我真係好廢…Queenie同阿爽其實講得無錯，我好夾硬嚟，有啲嘢做唔到就係做唔到，但我好想留喺妳身邊，如果無咗妳，我又可以做到啲乜…
欣：「頂你個肺吖，星期日啲酒店間間都咁貴…」
我：「其實…有無可能…我可以去到妳個hall？」
欣：「有就有，但個hall唔係得我一個用，roommate今日都拍拖，你係咪想打對面床咁各有各玩？」
我：「欸，我問下啫，當然唔會勉強…」
欣：「掉轉問，我可唔可以去你屋企吖？」
我：「星期日，屋企好難無人喎，雖然可以博下…」
欣：「我先唔會制呀，一陣俾人捉姦在床點算，我唔打算見你家長，一陣話我拐走咗佢哋個仔就唔好。」
而家先知阿爽佢真係好幸福，以前悶嘅時候可以隨時叫我哋上去hea，識到女又可以唔限時任玩唔嬲，而家重由朝到晚對住女神，雖然佢講到無乜嘢咁。
我：「Yan，搵到間差唔多嘅就卜啦，我會畀返錢。」




欣：「你得唔得㗎，為咗扑嘢餓死嘅話我點過意得去。」
我：「無咁嚴重嘅，一次半次我重畀得起。」
欣：「我都知…但如果去到第三次咁點算？」
我：「到時再算啦，我會試下諗辦法…」
欣：「咁我唔理你住…嗱，遠少少過荃灣，六百蚊有找重有少少海景添，算係咁喇掛。」
我：「妳覺得OK就得，我無意見。」
欣：「你梗係無㗎，如果唔係我你連房都租唔到呀！」
食完飯我哋一齊搭紅色線去荃灣，全程我哋手拖住手同之前差唔多，但今日嘅我覺得我哋之間嘅距離好遙遠，明明兩個禮拜之前我重喺度幻想緊佢就係我嘅女朋友。雖然明知我哋一陣間就要做嗰啲嘢，但總係覺得個心好似缺少咗一大部份咁。星期日嘅地鐵車廂有好多情侶，有啲個樣只係初中生咁，有啲就係戰鬥格咁嘅哥哥姐姐，其實我又算得上係啲乜，連我都諗唔到原因阿欣要揀我。
自從知道咗女神落難，交叉仔一直堅持佢哋只不過係一齊住；而家我信喇，茜旎佢又靚女，又有教養，讀書成績優異，多才多藝，身邊啲朋友全部非富則貴…