thriXt Qantasy 純文字安眠之作 (New: - U2K - 一直上架): K534

對住佢…我唔使煩點表白，亦無得諗點追佢，唔使驚點開口講啲過份嘅要求，因為佢已經畀晒我，甚至乎我唔使諗點照顧佢…相對地，我就攪到而家咁。
欣：「死人頭捉到我隻手咁實做乜？」
我：「咁耐無見，好掛住你嘛，妳唔鍾意？」
欣：「咁又唔係，是但啦，唔好整痛我就得。」
我：「對唔住，我可唔可以問妳，其實妳有無男朋友…」
欣：「如果我答你有仔，你係咪就會唔再煩住我？」
我：「欸…我諗…比起嗰啲鍾意玩嘅男仔，我對妳可以認真啲，會一心一意，會尊重妳同埋明白妳…」
欣：「即係我當你係小三都無所謂？」
我：「如果妳願意嘅話…」
欣：「我而家無一個正式嘅男朋友，亦無諗住要當你係男朋友或者小三，你可以唔使諗太多。」




我：「咁係咪…其實我都有機會？」
欣：「機會係多係少，我諗你心中有數，我又唔會話無嘅…」
我：「阿欣，多謝妳，我會努力。」
欣：「你都黐黐地線㗎，都唔知鍾意我嚟做乜。」
我：「妳好唔想我鍾意妳咩？」
欣：「你唔好畀壓力我同要我難做就得，其他無乜所謂，反正你可能都係三分鐘熱度。」
我：「唔會㗎…我諗…我唔係啲咁嘅人。」
欣：「第時再算啦，三分鐘同三粒鐘，三日其實無乜分別，你開心就得，唔好喺我隔籬黑口黑面。」
我：「嗯…但我想知，做個簡單啲嘅女仔唔係幸福啲咩？」
欣：「你都可以做個簡單啲嘅男仔，當同我玩咗兩個禮拜就算，以後忘記我識返個純情小妹妹。」




我：「唔得，我鍾意妳。」
欣：「…，好多時啲嘢唔到我哋揀㗎，如果話要幸福就可以有就唔使咁多人喺度煩，講到傷心痛苦好似係我哋自己攞嚟咁…讀書一樣咋嘛，好多人勤力㗎，但讀唔成就係讀唔成，係啲怪獸家長唔明，又唔見佢哋自己試下讀。」
我：「嗯，係嘅，對唔住，係我無去好好理解妳。」
欣：「你咪玩啦，女都未溝過，點去理解我？」
我：「我會盡力…不過我唔會溝女㗎喇，有妳就得，如果可以嘅話…」
欣：「出面咁多可愛嘅妹妹仔，你會唔心動咩？直播女神咁靚女，你可以唔諗衰嘢？」
我：「我又唔係鍾意佢哋…我當佢係朋友嚟㗎咋，係因為打開機先幫下手咁，佢都唔係好女仔嚟…」
欣：「我都唔係好女仔嚟呀，勸你唔好隨隨便便咁話一個女仔好定壞，除非佢擺明走嚟害你啦，無一個女仔有責任對你好或者剩係畀好嗰一面你睇㗎。」