thriXt Qantasy 純文字安眠之作 (New: - U2K - 一直上架): K532

Q：「佢搵女人攪你？係正常…普通女人？」
我：「你有無驗清楚？會唔會俾人妖破咗處都唔知？」
健：「唔係呀…就係普通女仔，睇落其實無特別…」
Q：「佢有乜理由要咁做？就係為咗玩？咪住先，個女仔係乜人，會唔會有乜利益關係，定為咗集郵？」
健：「應該…係佢friend嚟，同佢差唔多大嘅，其他嘢佢哋都無乜透露畀我聽。」
Q：「件事係點發生㗎，當時阿欣係在場嘅？」
點解…呢條友會又有女食，佢係咪開啟咗個潘朵拉之箱？我其實唔係好想聽，明明我係一個咁開放嘅人，早就應該晚晚玩下QQ先瞓覺，點解我要日日喺度死忍…
健：「佢喺度呀…」咁係咪即係乜妻目前犯？
Q：「但用常識嚟判斷，一個唔識嘅女仔無端端埋嚟攪你，你係咪會覺得奇怪然後拒絕，定係你已經學咗佢咁有食唔食，罪大惡極，任人…點樣都可以？」
我：「唔好亂咁估再貶低我人格好喎，不如妳又慫恿下啲女仔friend嚟攪我，睇下我會唔會覺得奇怪？」


Q：「你唔好亂講，Yvonne之前先提議我中秋同你玩滴蠟，話應該好刺激，如果你落喺佢手上唔好喊。」
我：「妳會唔會考慮下換過啲朋友，點解個個都好似唔多正常咁。」而事實係QQ唔會知我早就落喺佢手上…
Q：「佢鍾意玩仔又唔會影響到我嘅，嗱，但你唔准話我講過啲咁嘅嘢呀，殺你滅口㗎…得，你可以繼續喇。」
健：「前日，我哋上到房，一開始我都唔敢攪佢㗎，唔知佢嬲完未㗎嘛，我哋坐喺床上面睇電視…睇睇下佢爬咗上嚟除咗我件衫，喺佢手袋入面攞咗個眼罩同條繩出嚟，佢將我對手綁咗喺床頭上面，再幫我帶埋眼罩，我以為佢只係貪玩想刺激啲，之後就好似平時咁有人幫我…當我享受緊…有人騎上我個身上面，我感覺到有啲唔對路，然後個女仔就拉開咗我個眼罩…」
我：「咁樣算唔算叫做俾女強姦？」
Q：「你好似好羨慕咁喎，係咪後悔無去搵貞姐玩？」
我：「無喎，貞姐應該唔係啲咁黐線嘅女仔嚟。」
Q：「當時你諗住點，有無反抗？其實都係無咗對手啫…」
健：「我有嘗試過縮開，但係唔成功，加埋已經入咗去，我驚太大動作會整親佢，而且…好快我已經受唔住…」
Q：「個女仔好正嘅？同阿欣比較邊個好啲？」


健：「欸…佢細粒啲，身材比較普通，但好似辣椒妹咁…」
Q：「似乎，你唔自願得嚟好enjoy咁喎。」
健：「嗯…同女仔做愛…真係好舒服。」
事已至此，我實在係無聲出。
Q：「咁，呢個我認同嘅，但你覺得阿欣點解要咁做？」