thriXt Qantasy 純文字安眠之作 (New: - U2K - 一直上架): K490

健：「但係跟蹤自己嘅班主任會唔會唔係幾好？」
我：「嗱，此言差矣，如果我哋放學跟住佢出學校就係跟蹤，而家我哋只係偶遇，再順便關心一下。」
憑我對佢嘅認知，呢個衰妹已經好耐無拍拖，而今年開學之後佢又好似有少少改變，對住我又神神化化咁，可能真係春天來了，而我隔籬個傻仔就春天直入寒冬。
等咗成廿分鐘佢哋終於出嚟，然後我哋一直尾隨，佢兩個無拖手，保持住一定嘅距離，行咗去UNY文具部睇筆。
健：「好悶呀，不如走啦…」
我：「又好似係，如果拍拖拍到咁真係死得，不過我想再睇多陣。」如果睇到兩人分開，條仔唔送佢返屋企又無goodbye kiss，就知道佢哋多數煲緊無米粥。
健：「算啦…再跟落去遲早俾人發現，我唔想俾人鬧。」
我：「咁…行啦，上去咬嘢。」
食嘢，來來去去都係嗰啲，無乜好講。
我：「喂，如果聽晚…有啲乜頂唔順，可以嚟接我放工㗎，等我打多兩枝藍妹落單偷運出嚟。」




健：「咒我咩，聽日先算啦…」佢死魚眼咁望住我。
我：「又或者你聽晚會行都行唔郁，咁我就幫唔到你。」
健：「佢肯先算啦，我上次先激到佢咁嬲。」
我：「你攞嚟衰，無人叫你整嬲佢。」
健：「咁嗰下真係好大刺激，好激氣㗎嘛…話時話你會唔會激嬲女神㗎？」
我：「你講邊個先，天王星就好易嬲，你都有眼睇，不過我又無乜所謂，唔介意同佢打下，都幾好玩。」
健：「梗係你屋企嗰個啦，日日對住唔會有磨擦嘅咩？」
我：「咁…我又控制唔到佢嘅，佢又唔多理我，基本上無乜嘅，最多係我煮飯hea得滯或者燙唔平佢條校裙咪鬧鬼我。」除咗講大話呃佢，咁我就會俾佢咬死。
健：「又要返工搵錢畀佢使，又要幫佢做家務你都頂得順嘅，唔會覺得好慘咩？」
我：「咁有個靚女同我一齊住，一齊玩，都開心嘅。」




健：「佢條仔又養佢唔起，你做乜唔叫佢哋分手？」
我：「我憑乜喎，人哋拍咗年幾兩年拖…」
健：「如果佢單身，你咪唔使就住就住，可以同佢喺屋企玩多好多嘢。」
我：「咁都要佢想至得㗎…同埋佢條仔平均每個月課成二千蚊嚟等佢開心㗎，我點填返呢條數呀。」
健：「一齊住埋咁耐，如果無做過嘅話，會唔會後悔？」
我：「唔知呀，但如果夾硬嚟一次佢以後嬲咗我，我會更加後悔，做唔做唔係太重要嘅啫，以前細蚊上嚟任我做咪又係咁，無乜特別啫，但佢過咗十二點都係要返屋企無得陪我。」