為了實現媽媽遺願，我成為了女兒國唐僧: K488

星期五，假期，QQ一早就喺度打點間屋入面…佢啲嘢。
因為正常男仔總唔會電腦枱上面原子筆隔籬有枝眼線筆喺度呀？雖然我覺得細龜又點會識咁多呢啲嘢…但又好難講，乃木坂呢啲成日上女性雜誌都驚條變態有睇。
QQ都知係佢自己惹返嚟嘅蘇州屎，所以無點煩我。
我：「其實我比較想知，妳聽日可以同佢喺度做啲乜？」
Q：「我都想知呀，總之佢唔可以見到我，我亦唔會出聲。」我開始喺度想象又盲又聾嘅人可以點打J，唔通真係要靠南丁格爾嘅毅力？
我：「盲人按摩？盲妹邪骨？」好似掉轉咗添…
Q：「係又唔拘呀，三分鐘解決佢就可以閃人。」
我：「嘩，女神真係開放，揼人邪骨都無問題。」
Q：「呢個唔係開唔開放嘅問題，係實事求是嘅問題，客觀嚟講只係完成咗一件事情，一個聰明嘅女人喺俾人綁架嘅時候，都識得用自己嘅身體嚟提高生存機會。」
我：「即係三分鐘熱度求生術？妳有無咁好技術呀？」




Q：「唔知呢，我比較唔到，但我條仔喺街通常兩分鐘就俾我處決咗。」佢要令我羨慕又妒忌先安樂？
我：「咁…如果我喺妳手中生存到三分鐘係咪就叫勁？」
Q：「你唔使激將法，就算你要強姦我都唔會幫你。」
我：「點解咁肯定呀？妳又話聰明如妳實可以解決到…」
Q：「我唔介意用我嘅身體去證明你係一個不知所謂，污穢不堪，淫邪至極，無藥可救嘅衰人嚟。」
我：「我點會咁對妳，明明我就係咁惜妳。」
Q：「咁你就唔好亂咁講，明明你就係最專業嘅邪骨仔嚟。」唉，有邊個會想日日靠自己服務喎，呢個並唔係技術嘅問題嚟，不過就算計我服侍女仔，啲口碑都好似唔太差？講真，要我晚晚幫Q揼邪骨我又OK呀。
幫完佢再幫返自己，玩到咁都好夠皮啦。
健：『踢唔踢波呀？』重有成廿四粒鐘先到聽日，我梗係知佢個心亂到芝麻糊咁，唔郁下肯定坐立不安。
我：『可以嘅，但你唔係啱啱先集訓完咩？』




健：『集你個頭呀，今日公眾假期又點會有課外活動。』
我：『又係喎，樓下街場等？』
健：『唔使，可以去摩士踢正式場。』
我：『乜咁大陣仗？我唔掂㗎喎…』
健：『有乜掂唔掂，都係玩下咋嘛，隊友有friend卜咗個半鐘，周圍搵緊人儲夠廿二個。』
我：『原來…但呢啲大場唔係好貴咩？』
健：『妖，除返開咪一人十幾廿蚊，我幫你畀埋囉。』
我：『咁又唔使，巴士站定地鐵站等呀？』
我：「Queenie，健仔又搵我去踢波波呀。」
Q：「咪去囉，唔使下下報告畀我聽，就算揸波波都係。」嗱，妳講㗎咋，所以我同幽蘭嘅嘢…算啦。