thriXt Qantasy 純文字安眠之作 (New: - U2K - 一直上架): K476

QQ今日著得好hea，真理褲蹺腳露晒成條腿出嚟，加件冚唔到肚嘅短打T就算，不過啲網友好似一樣受落，只要係條女掂加埋肯露肉就係王道。呢個畫面亦印證咗一個真理，乞兒唔一定窮，但外表一定衣衫襤褸衣不蔽體…
由於假期嘅關係，我星期一又開多咗日工，就咁又賺多咗兩嚿水…雖然我工時唔多，但再少嘅時間都係時間嚟，尤其係原本呢啲時間係我趕功課用嘅，好彩而家有QQ睇住同協助我，學業嘅嘢大致上都無乜問題。至於佢點樣喺啲假期入面唧時間出嚟直播同埋有幾多人課金畀佢我都唔係太想研究，反正佢就係一副搞得掂嘅樣。
啲人成日話日久生情，近水樓台先得月，但應用喺我身上就比較大鑊，屋企嘅QQ我當然好鍾意…但每到星期二就要俾天王星操弄一番，加埋平時佢會幫先生出手喺我後面位捲起疊紙扑醒喺前面趴喺枱面瞓覺嘅我；唔好問點解係佢出手而唔係我左右嗰兩個，可能因為佢係女班長掛，又唔係喎…Zilvia重做緊女班長，因為相對上嚟講佢比較得閒；平心而論天王星係正嘅，如果可以將佢拗返直就更加正，不過其實佢本身就係直，只係要挑戰令到佢喺自己面前發姣就得。
但佢好高騖遠嘅程度同我無乜分別，所以懶得理佢。
點解我咁花心嘅呢，真係仆街，其實我好後悔嗰時點解唔罰得佢甘啲，起碼要佢全裸喺我面前轉一圈吖，而家見到佢道袍條罅就好想望入去，個心真係好戚戚然呀！反而幽蘭，欸，佢係好靚女，我亦都掂過佢，但就無嗰種成日都好想嘅慾望，可能佢真係太高太遠。
如果，QQ知道我上堂時間個腦不停咁loop埋呢啲無聊嘢，一定想殺死我都似，但青春期男仔唔性幻想佢哋重可以有乜作為喎！
V：「吖，你真係好鍾意砌啤牌金字塔㗎喎。」原來不知不覺已經嚟到星期三，我哋又喺Phy Lab落堂等課外戶動時間，其他同學一係返屋企一係落返自己班房，暫時得返我同佢兩個喺度，佢埋嚟坐咗本身YY個位。
我：「嗯，難得有新啤牌，梗係要自己開嚟玩咗先。」無錯，拖咗大半個月我終於喺淘寶掏咗幾副膠牌落嚟，張張都夠晒硬淨，而且背脊有磨沙壓紋唔會滑捋捋，最啱攞嚟起金字塔。
V：「嗯。」佢又哄埋嚟我面前幾cm嘅位置。
我：「幽蘭…妳…」本來諗住咬緊嘴唇迎接佢…


點知佢一拳打咗落我個肚上面。
V：「你個鹹濕仔肯定又喺度諗住我會惜你。」
我：「我…只係…根據妳之前嘅行動嚟推測…」
V：「你點可以咁諗㗎！你又唔係鍾意我。」