thriXt Qantasy 純文字安眠之作 (New: - U2K - 一直上架): K462

健：「畀你睇真係好無癮，明明出面個個勁興奮。」
我：「我日日俾佢哋五個圍住，重可以有乜感覺喎…係呢，係邊個post出嚟㗎？你fol緊邊個？」
健：「我無fol佢哋任何一個呀，係女神關注組啲人forward出嚟嘅，我咪順便睇下咁囉。」
我：「唔係喎，你明明就有add Kuromi嘅Facebook。」
健：「嗰啲就算啦…除咗打機已經無乜人用，不過啱啱呢張相就係Yvonne貼出嚟嘅，班友連啲字都cap埋出嚟。」
Y：『大家唔使過嚟撞我哋，因為已經轉咗場喇，祝各位月餅節快樂！』五個女神一字排開喺高級商場入面打卡，十足十韓國女團咁嘅class，雖然衣著未算係暴露，但五對長腿已經夠晒煞食，就算最矮嘅YY都有接近170高，亦難怪啲仔會睇到黐晒線。
睇嚟呢幅相今晚又會消滅咗唔少蛋白質，至於我喇喎，五條女入面四對美腿我都摸過玩過，起碼要炒埋底先會有少少價值。話咁快我同健仔就分道揚鑣各自食飯，食完又係我嘅開工時間，一到十點班酒樓阿姐就急急腳打卡走人趕返屋企同仔女賞月，而我就繼續留喺酒樓觀賞一堆吳剛劈酒…想睇嫦娥？想愴你啦，屋邨MK妹都重有啲，試問女神黨嗰啲港女又點會屈就喺屋邨酒樓食中秋飯吖…
馬：「爽，你今年有無買月餅呀？」時間嚟到十二點啲客啱啱走晒，我喺度鋪埋最後兩張枱布，馬叔叔無小朋友所以都唔使擔心陪屋企人嘅問題。
我：「無呀，同一個價錢買其他零食開心好多啦。」
馬：「有啲茶客送咗啲畀我哋，啲阿姐都食唔晒，靚嘢就無㗎喇，嗱，你睇下啱唔啱啦。」佢打開咗個櫃桶，入面有四五個傳統大月餅喺度，呢個年代就真係搵鬼食咯，留嚟拜神就差唔多，現代人個個都食乜流心奶王，至少都冰皮…驟眼望落去有啲重印住簡體字。




嗱，我唔係話上面啲嘢唔掂呀，央央大國整少少傳統餅食易過借火啦，再加上有尖端科技加持，就算唔傷害任何一隻動物都可以創造一粒好食嘅鹹蛋出嚟，所以…
我：「多謝馬叔叔，我係咁意攞一個嚟應下節啦。」
見到我手上面朵榮華大紅花，就知我有幾…愛香港啦！
返到屋企，咁啱撞到QQ開門，睇嚟佢哋歡度完一個好開心嘅中秋節嚟。
Q：「咦，放工嗱，辛苦晒你。」
我：「嗯，乜說話吖，橫掂我都無乜嘢做。」講真，中秋節我都叫同親人食咗飯，又同個傻仔游完水，絕對唔係孤伶伶，只係無得陪喺女神身邊啫。