為了實現媽媽遺願，我成為了女兒國唐僧: K461

我：「唔好講我呢啲閒人啦，完全係亂打亂撞返嚟…如果單講外表我哋男班長好過佢啦，只不過性格應該唔係。」
健：「我覺得無乜分別咁，都係讕型想溝女。」呢啲細微嘢你邊識分吖，睇QQ對佢哋態度幾唔同就知，你自己咪又喺度溝緊女，只不過唔使扮，真係柒下柒下咁溝。
健：「藍社準社長都出爐喇。」哦，暴力女吖嘛。
我：「乜嘢話，Myth都係幹事？！」
健：「我都唔清楚…其實上年有兩三個中四幹事但無人肯做主席又唔幫手搵人，你知啦，佢平時咁惡死好多仔都買佢怕，所以咪難搵人，我諗係Myth見佢煩咪幫下手…」
我：「平時都已經面阻阻，會唔會鬧架㗎…」
健：「唔知呢，今個星期Zilvia做班長，Myth又無乜點…」
我：「唔關我事，不過講社長嘅話今年好似都係得佢一條女。」
健：「嗯，論受歡迎程度又真係Bubble師姐好一截嘅。」佢係勝在熱血得嚟又傻傻地，加埋不成比例嘅心口。
我：「做乜呀，掛住人哋呀？定掛住人哋嗰兩忽肉呀？」




健：「唔會啦，我心入面嗰個都唔係佢，不過有啲後悔，如果可以同到佢做朋友就好，師姐佢真係好好人。」
我：「有乜好後悔，佢重喺學校㗎，無人唔俾你搵佢。」
健：「費事啦，諗來諗去都怪怪地。」乜怪得過你撩上咗個豪放大學生咩？重要唔知醜死纏住人哋…
健：「但咁樣認真睇，Uranus又確實係個好有氣勢嘅靚女嚟，身材，身高同個樣都唔輸蝕。」
我：「或者你可以同佢打下，就會發覺佢唔會輸比任何人。」我咁講自有原因，就係左右女神根本就係外星人嚟，YY行內心路線唔可以直接比較，而Zilvia就彷彿自己一個係桃花源與世無爭。
健：「我有自知之明嘅…但最奇怪嘅要數呢個。」
我：「乜話…YY…易…汪佢係候選SU秘書？！點撈返嚟㗎？從來都無聽佢講過嘅？」而讚數亦唔輸另外嗰幾個…
健：「係哩，真係唔聲唔聲，就算我坐佢隔籬都一無所知…」你就算吧啦，中出咗人第N次都唔知人哋諗乜啦。
YY幅相喺海邊取景，時近黃昏，獨特嘅攝影技巧影到佢嘅輪廓好靚，啲陰影位更加凸顯出佢嘅身體線條，簡直…同我喺船上面幫佢影嘅不遑多讓，呢條心機女吖…
健：「就係咁多，關於佢哋嘅報告嚟到呢度，其他form同班嘅你無興趣㗎啦…咦，有update喎。」佢check咗一下message，然後又開咗幅相畀我睇。




我：「我知道佢哋今晚去玩呀，Zilvia生日吖嘛…」