為了實現媽媽遺願，我成為了女兒國唐僧: K459

「咁你都睇得出？如果有沒鏡嘅話其實昅到啲乜？」
我：「妳自己都戴住，潛落去䚎下咪睇到有啲乜囉。」
「我個頭入咗水嗰陣其實唔敢周圍望。」所以咪炒車囉…
我：「咁妳戴嚟做乜？」即係和尚擔遮同挑燈去茅廁啲friend？到底我喺度講緊乜…
「等隻眼唔好入水囉，係呢，你乜嘢status㗎？」嘩，做乜而家啲女咁直接㗎，係咪想嚇到我去搵媽咪先安樂？
我：「唔通師姐妳對我有興趣？想開心死我咩。」
「乜呀，幫我啲姐妹問咋，我諗佢哋比較有需要。」又係呢啲陳年藉口，乜嘢我個朋友個朋友未結婚就大咗肚呢啲，有無諗過妳阿媽個女其實即係妳自己嚟？
我：「唔好意思，小弟嘅狀態係U5。」
「玩咩，乜嘢叫U5，潛艇咩？」睇嚟佢應該係讀文科…
我：「韌阿威拿哺五咁解，嘻嘻。」




「唓，都唔好玩嘅，讕神秘咁。」
我：「我只係如實相告，起碼個五字係真嘅，妳呢？」
「我…欸…A…3咁…囉。」呢種欲言又止實在令人想入非…
健：「吖，你個死仔突然之間唔見咗人，原來又喺度撩女仔…」你就死仔，睇嚟扑過嘢之後嘅佢真係脫胎換骨變咗個人，畀著以前嘅佢見到我周街撩女就會掟埋自己一二邊得個睇字唔敢走嚟搭嗲。
我：「邊有又…只係唔小心撞親，喺度抖緊啫。」
「係嘞，咁你個朋友呢？」嘩，妳哋有無咁飢渴呀？
我：「佢？受緊情傷，暫不對外開放。」
「係咩？睇個樣又唔多似喎…」果然係慧眼冰心呀下。
健：「喂…你哋喺度講緊乜…」
我：「佢呀，傻戇直嚟㗎，俾個大食嘅大學姐姐睺中食咗佢隻豬，然後沉埋船俾人哋玩到陀陀擰。」我咬佢耳仔…




「哈哈…我為你嘅遭遇感到難過，恭喜晒。」
健：「喂，你哋唔好玩啦，講緊乜嘖？」
「吖！衰妹！有得游水妳唔好好學走嚟學人溝仔？」
「唔係呀…我唔小心撞到人哋所以道歉咋嘛，哎，我返去搵佢哋喇…唔講住先，下次再謦啦。」
下次，重邊有下次？除非我走嚟溝妳哋啦，呢兩粒字係咪即係勾引緊我？唉…真係大嘥。
健：「係識嘅？定係唔識㗎？」
我：「唔識喎，你咪走過去繼續識囉。」
健：「都唔明你點解次次都可以同啲唔識嘅女仔謦得咁開心，真係服咗你。」
我：「係咩…唔好唔記得嗰個一日同你扑四次嘅女仔，四個禮拜前同你打風都拉唔到任何關係。」
健：「妖，又串我…明知我唔想諗佢住。」




我：「有得俾我串，唔係應該係你嘅福份嚟咩，哈…」
健：「咁，多謝你同埋Queenie囉。」