為了實現媽媽遺願，我成為了女兒國唐僧: K457

事務繁忙，先改為兩錯字換一加更🙇🏻‍♂️。

中秋搵細蚊上嚟玩當然唔係一個問題，問題係我幾乎肯定會同佢玩到上床；咁樣好咩？同佢一齊返係可以，但只係一種方便折衷方案而唔係真心鍾意佢，而無論傷唔傷害到佢都好，第時再散嘅話我同QQ嘅可能性就更渺茫。
點解我會攪到咁，明明我本來就係個鍾意玩女嘅男仔嚟…係喎，放假一條友，而家我重可以去做下gym，咦？
我：「喂，乜事呀，你又激嬲咗女人呀？」
健：「無呀，你係咪一個人，出唔出嚟做下運動？」
我：「啊？你今朝唔係先同啲team友練完波咋咩？」
健：「嗯，但晏晝又無嘢做，郁下可以制止我亂諗嘢…」
我：「嘿，係咪諗住繼續操fit啲就可以用下半身制服姐姐，成為天下最強嘅一夜七次郎先？」
健：「咪玩啦，我只係驚自己忍唔住又煩住佢咋…」




我：「咁好啦，諗住去邊？」其實以我角度嚟講，畀咗年費就當然去做gym最舒服，但兄弟搵到就無理由唔去陪下佢㗎，又無得踢埋佢入會做gym，咁鬼貴。
健：「不如去游個中秋水？天氣就轉涼就快無得游。」
我：「好呀，無問題。」
中秋節，星期六，嚟緊兩日假期，泳池有幾多人可想而知，就連啲水都係鹹㗎！我有留意一下健仔得條泳褲嘅身體，講真係fit咗，大髀條腱開始現形，黑黑實實咁，假如我係一隻肉食性姐姐嘅話…黐得啲女仔多有時會套咗入佢哋思想度，其實女仔都會鹹濕，QQ亦都有性慾，雖則佢條仔有時會幫佢解決，但日日喺屋企都會懷疑佢會唔會想食咗我，定係平時咁樣已經叫食緊我？我都知咁樣諗係好奇怪…
健：「嗰邊條女好似幾大波。」失戀同昅女係無衝突。
我：「嗯，但佢隔籬嗰個白啲，好似靚女少少。」
健：「人邊有完美㗎，Queenie呢啲係犯規例子嚟。」
我：「行埋去識下人哋囉，而家有經驗咯，唔使驚啦。」
健：「而家唔係驚唔驚嘅問題，係我個心得阿Yan。」
我：「係咩，咁樣好唔健康，快啲揀啱目標昅多幾眼，今晚諗住佢嚟打飛機啦。」




健：「唔喇，除非Yan完全唔理我，否則我剩係J佢。」
呢條友，我都唔知話佢專一好定發花癲好，但佢呢種態度我就唔覺得會有幾多女仔欣賞。附近呢三個女仔睇落都係中學生，質素就中上啦，講真我掛住嗰個單頭嚟游水嘅泳池姐姐多啲，因為我覺得玩味先係女仔最吸引人嘅地方；不過廢話少講，在場邊個最青春最靚女最少布就係女神嚟，當然要昅到夠，如果唔係做乜畀錢入嚟游水。
最吊詭嘅係我趕住出嚟搵阿健所以唔記得帶沒鏡，雖然唔影響我游水嘅能力，但嗰啲髀罅…閃電毛，俱往矣。
我：「啵嚕啵嚕…嘩！」唔使質疑，我俾人撞咗埋嚟兼一手插咗落腰度，皆因游太快兼睇唔清楚。