為了實現媽媽遺願，我成為了女兒國唐僧: K454

Q：「係嘅…後日要同Zilvia慶祝生日又要使一大筆錢。」雖然知佢哋差唔多時間，但都係啱啱先聽佢講。
我：「如果有困難就同我講啦，不過幽蘭佢唔係諗住…」
Q：「就係咁先煩…雖然佢哋幾個都叫做富貴女，但平時使錢總有分數唔會令大家難做，你知啦，我哋去嗰啲餐廳如果幽蘭亂咁嗌，真係驚出事㗎，但預先同佢講定又好似好難睇咁。」
我：「佢咁叻女，應該知妳哋想點嘅，相信佢啦。」
Q：「都係嘅…你個樣…好似真係好想飲咁喎。」
我：「無呀…諗返起嗰陣第一次飲到妳口水尾，真係有啲興奮。」直頭係性興奮。
Q：「扮嘢啦你，掂過咁多女人，我算得上啲乜吖。」
我：「唔同嘅，妳係女神吖嘛…不過都係飲完妳口水尾之後我先聽晒妳話，好似入咗邪教咁。」學似某宅男…
Q：「唔覺囉，聽我話就唔會周圍攬女，影衰晒我。」
我：「又係妳話我哋係普通朋友，唔使下下成個保鑣咁跟住妳，我算係好含蓄㗎啦，對比起健仔…」




Q：「唉，知你慘啦，俾我累到要做乖乖仔。」講完佢又啜咗一大啖朱古力入口，已經差唔多俾佢清晒。
點知佢未吞落肚就嘴咗埋嚟，即係？！我唔係傻嘅當然知道佢想點，於是微微擘大個口接收佢啲液體，畀佢口爆落我口裡面。對唔住QQ，雖然我心入面只有妳一個…係最重要，但有啲嘢我唔可以同妳講，例如我同另一個Queenie姐姐都做過一模一樣嘅事。
我：「咕嚕…嗯…點解…」
Q：「驚你越嚟越唔聽話呀，到時係咁周街攬女惜點算…點呀，好唔好味呀？」
我：「好味，好甜，好軟滑，好溫暖嘅感覺。」
Q：「黐線，人哋係沙冰嚟又點會溫暖喎。」跟住佢又啜多啖重覆一次啱啱嘅動作，條脷好似有掂到少少…
我好想即刻攬住佢話愛死佢，要佢做我嘅女朋友，但黐線嘅咩，咁做同迫佢即場請我食檸檬有乜分別喎，我先唔會學似個傻仔健咁蠢呀！又，其實我周街攬女惜都好似唔係好關妳事啫，Q…Q…嗯…
到咗第二日返學，班女已經喺度謦緊星期六嘅run down係點樣，而我就總覺得自己喺中間好似阻頭阻勢咁…好彩平時阿健唔夠膽主動喺學校撩QQ講嘢，而到咗lunch time就捉咗我一齊食lunch。
健：「你覺得點呀，係咪全部女仔都咁唔講道理㗎？」
我點話你聽呀，其實欣姐不知幾講道理，只不過係你天真幼稚，自以為是，思想簡單，重要煩膠以致溝通不能。