為了實現媽媽遺願，我成為了女兒國唐僧: K451

Q：「咁我哋就算睇得出妳唔純良，都睇得出妳壞極有個譜嘅，但最重要係個傻仔心目中覺得妳係最好啫。」
我：「嗯，真心鍾意嘅壞女孩點都贏自己無興趣嘅乖乖女嘅，而且…後者可能掂都唔掂得，嘻嘻。」
Q：「所以好明顯你其實唔多鍾意我，明晒。」
欣：「睇住你兩個耍花槍真係…不過，你哋執意叫我搵返佢真係唔驚傷害佢？我都唔係佢心目中幻想嘅女仔。」
Q：「唉，佢要撞板咪由得佢撞囉，都開咗個頭，希望佢最後可以搵到個答案畀自己啦，而且我覺得佢嘅出現對妳嚟講可能都係件好事嚟嘅。」
欣：「真係咩？佢唔會接受到我㗎喎。」
我：「撞到個錯嘅答案，都總好過MC交白卷吖。」
欣：「係嘅…其實我都唔識點面對佢，處男呢樣嘢對我嚟講實在係太陌生，應該話我連正經嘅男仔都唔識多個，所以佢第一次畀我嘅感覺真係好唔同，雖然已經唔再係…同埋已經好耐未試過打真軍，真係好舒服。」
我：「會咩？佢話妳安全期就唔會戴套，佢都好驚。」
欣：「低B，我唔使佢戴係因為佢乾淨咋，我本身食開藥…重乜鬼安全期吖，我都唔知點開口話佢知好…」




Q：「我知道我哋呢啲小朋友唔應該干涉妳，不過玩得太癲其實都會傷身㗎。」
欣：「咁妳又叫我繼續同佢玩？！算啦…如果你哋覺得我係惡魔嘅話我係唔會反對嘅。」
我：「唔會嘅，我又唔係正經男仔，妳最多係魔女啫。」
Q：「又或者，可能我喺妳眼中先係更加惡魔呢？」
欣：「唔知你哋呀，我差唔多要去開莊會喇，唔得閒繼續喺度同你兩隻嘢玩，你哋祈求個傻瓜下個禮拜六之前唔好騷擾我就得。」
Q：「天要亡佢，無人可以幫到佢，我唔會再理㗎喇。」
欣：「呀，同埋呢，我想講…就算你兩個friend到打band咁，如果有感情嘅話，就奉勸你哋唔好玩到上床。」
Q：「欸…欣姐何出此言呢？」
欣：「無呀，一旦發生咗就無得返轉頭，我明白有時朋友之間係可以好到做乜都得，但可以唔等於一定要做出嚟，大家喺個心知道就得，有啲嘢可一不可再…算啦，你哋明到就明啦，我真係夠鐘趕住走喇，bye bye。」
隨住欣姐嘅怱忙離開，希望我哋真係幫咗阿健而唔係害佢啦；而我哋謦咗咁耐，你係咪好想問我其實係咪有一路食住飯，答案係…有嘅，雖然重未食晒。




我：「睇嚟欣姐佢真係有好多經歷咁喎。」
Q：「睇個樣都知集唔少郵啦，點呀，你羨慕嘅話都可以搵下你架車㗎。」
我：「唔啦…以前齋玩就話乜都無所謂，而家嘅我…應該去唔返嗰個狀態，費事攞嚟煩，妳個魔女小妹妹又點呀，成日同男朋友玩到咁入肉，係咪應該都要諗下食藥咁呢？」