thriXt Qantasy 純文字安眠之作 (New: - U2K - 一直上架): K450

欣姐就望住啲捲動嘅message，露出一面唔耐煩表情…
欣：「最底呢句…係咪妳教佢打㗎？」
Q：「嗯…做乜咁肯定？可能唔係呢？」
欣：「如果我就咁收到就唔肯定，但既然妳殺到上門…」
Q：「放心啦，我無嘢再教佢，之後嘅嘢就交畀妳。」
欣：「唉，都黐鬼線嘅，我都未聽過有女仔玩仔會玩到俾人追殺…」然而佢一路攞住部電話打字。
欣：『健，如果你真係重好掛住我嘅話…等下個星期六我可以搵你，因為我呢排好忙，希望你唔會煩住我，亦唔需要回覆我，感謝。』
欣：「滿意啦，如果佢等唔到係都要煩住我咁就算。」
Q：「嗯，多謝妳，但想請問…妳係堅忙定只係藉口？」
欣：「堅忙呀，要搞上莊啲嘢，唔知妳明唔明嘞。」




Q：「明就明嘅，但上莊嘅話…係咪真係會貴圈真亂㗎？」
欣：「呢樣嘢…就視乎妳上乜嘢莊同埋妳係乜嘢人啦…總會有啲友摺到搵唔到人，亦有人可以食咗過半嘅sec…」
就喺呢個時候，我部唔生性嘅電話收到一個嚟自唔生性契弟嘅電話，我諗趁早聽咗佢會比較好…
健：「喂！阿Yan佢搵返我呀！點算好呀？」
我：「吓？有乜點算好呀…係好事嚟吖…」
健：「佢話約我下個星期六喎，我唔知畀乜反應。」
我：「可能佢下咗啖氣掛，家陣你打嚟示威乜事呀？」
健：「我…唔係呀…多謝你同埋Queenie呀，只不過…我好驚再激嬲佢，唔知點做好。」
我：「你係咪廢話呀，咁你咪唔好激嬲人哋囉！」
健：「我想問…如果女仔嬲緊嘅話應該點處理？」




我：「我嘅話…推佢落床㩒低佢，直到佢唔嬲為止。」
健：「屌，認真問你答埋晒啲廢話。」
我：「屌，所以細蚊咪飛咗我囉，我呢啲毒撚要去溫女喇，唔得閒喺度聽你曬命。」
健：「無曬命囉…咁你要去溫邊個呀？」
我：「你理得我吖，身邊咁多女神是但溫都得啦。」
健：「咁躁嘅？唔通Queenie去咗拍拖？你溫樖蘭花？」
我：「你食屎啦，bye！」都係及早cut佢線好啲。
然後兩個女仔用謎一般嘅眼神望住我。
欣：「睇嚟你都唔簡單㗎喎，David仔。」
我：「不敢當，放心，我唔會理佢。」




欣：「原來妳真名係叫Queenie…」
Q：「咁Kuromi呢啲好明顯就係藝名嚟㗎啦。」
欣：「咁睇怕David都唔係你嘅真名嚟㗎啦？」
我：「無錯，我嘅真名其實係大衛。」
Q：「呢條粉腸妳叫佢做阿爽就得。」
欣：「真係個名都衰過人，賤賤格格咁。」
我：「我都唔想㗎，個名又唔係我改嘅。」
欣：「不過我想八掛下，以你哋嘅智慧應該都睇得出我唔係啲乜嘢純良嘅女仔，點解重咁執著要幫佢搵返我？」