thriXt Qantasy 純文字安眠之作 (New: - U2K - 一直上架): K416

我：「佢到底係教你讀書定教你乜㗎…」
東：「是但啦，總之喺過去嘅年幾我同佢合作愉快。」
我：「吖，講到我好似係罪人咁，好心你啦，你讀嗰間學校又唔係話渣，屋企又有錢畀你補習就勤力少少學習啦，你知唔知我想搵人教我都畀唔起錢呀？」
東：「妳成績咁好使乜補習喎，不過如果妳好想補或者可以搵我以前個Miss喎，我見妳哋揀啲科好似差唔多，佢而家喺city讀緊BBA year 2。」
我：「大學生補高中唔平㗎，我未必畀得起。」
東：「嗯…應該就唔會，佢同妳收嘅價錢無乜分別，即係妳同我補完兩個鐘之後就可以搵佢補返妳兩個鐘…」
我：「會唔會呀…都唔同程度點會一樣價？」
東：「以前見佢開post都係劃一收費，不過佢份人有啲神神化化，好似唔憂做咁㗎，要順路先補，要就佢時間先補，如果佢忙起上嚟就會成個月都推晒你，同埋佢應該唔係話好top嘅學生嚟，妳鍾意可以搵佢問下，我畀佢電話妳吖，佢叫做Cindy姐姐。」
我：「可以嘅…多個參考都唔錯。」
東：「如果妳有緣見到佢嘅話，幫我同佢講東東有掛住佢吖。」呢個死細路，書就唔溫專注埋晒啲無聊嘢，唔知似邊個呢？




我：「見到先算啦，睇嚟你好鍾意人哋咁喎。」
東：「少少咁啦，話晒佢溫柔過妳又好人過妳。」
我：「咁你而家係咪好唔滿意呀？夠鐘做中史作業喇。」
東：「係喇，咁鬼惡真係嘥晒個靚樣。」
我：「我靚唔靚都唔關你事呀，你好同我認認真真做晒頭兩課呀下，求求祈祈嘅話信唔信我罰你。」
東：「唔信，不過如果我做啱晒嘅話會唔會有奬？」
我：「係呀，小弟弟你想要乜嘢奬咁呀？嘻嘻…」
東：「姐姐妳笑得好奸…奬勵呢啲唔講得㗎，會俾妳打死…」
我：「你知就好啦，唔准諗衰嘢呀。」
東：「妳唔覺得呢個世界所有嘢都係懲罰嚟嘅咩，返學，做功課，考試，返工，搵錢，好悶呀…」




我：「咁有付出就有回報㗎啦，你努力學習，第時就會有好成績，咁樣就會好開心。」
東：「唓，講到尾妳都係唔會奬勵我嘅。」
我：「讀書係你責任嚟㗎！做乜要奬勵？不過，如果我有幸可以補到你去考DSE，你攞到每一粒星都可以特別奬勵下你嘅，嘻嘻。」
東：「咁奬品內容係乜先？」
我：「秘密，唔知呢，到時咪知囉，你攞到先算啦。」
東：「妳好狡猾，同Cindy Miss都係一樣。」
我：「咁佢係點㗎，呃咗你溫書然後走你數呀？」
東：「佢成日笑我細粒，話如果有一日我生得高過佢，就同我慶祝大個仔，做啲好刺激嘅事…」