thriXt Qantasy 純文字安眠之作 (New: - U2K - 一直上架): K412

Q：「快啲呀，我重要等你煮mum㗎，早餐到而家無食過嘢。」其實我都係，只不過今朝食咗好很多。
我：「唔使擔心，妳住得喺度我一定會喂飽妳嘅。」
Q：「知就好啦，如果唔係我去搵其他人喂㗎喇。」
我：「唓，家陣講到好似妳條仔無喂妳咁…其實…我都好就手㗎，妳又使唔使玩弄下我…吖…吖吖吖！痛！」
Q：「係你叫我玩㗎咋，唔好嗌痛呀！」
我：「妳係咪女仔嚟㗎？！邊有人咁大力扯人塊包皮…」
Q：「我而家係懲罰你唔專心做功課呀！唔係同你玩鹹濕嘢，同扭你耳仔差唔多原理，順手啲咁解咋！」
明明痛到飆眼水咁滯，但我雞雞又唔爭氣咁秒硬咗…
唉，QQ，我好鍾意妳呀，好想學傻仔健咁撲埋去妳度…
燈蛾撲火，除咗刺激同會受傷之外唔知重有乜作為呢？




做完功課就食飯，食完就返工，放工就返屋企。
返到去見到QQ著住套緊身日本PE衫，即係心口掛住塊幾年幾組加個名，條褲係三角形嗰啲，重要壓晒條底褲紋出嚟，就知佢啱啱都係返完工；唔知佢係喺邊度搵套咁嘅衫返嚟呢？但我對佢啲返工look其實興趣不大。
我：「做乜個樣無嚟神氣咁嘅？唔通無人課金？」
Q：「唔係呀…係你啲朋友好麻煩。」
我：「做乜，唔通阿健又煩住妳向妳求救？呢條友仔咁過份，我遲早要搵一日揼柒佢。」
Q：「唔關佢事呀，佢靜到好似入咗停屍間咁，係細龜佢一見到我直播又即刻課咗成千禮物。」
我：「哈…哈哈…幾好呀…妳又多四百幾蚊使。」返兩日工先得四嚿水嘅我實在好難體驗到佢呢種心情。
Q：「唔係錢問題呀！係我無嘢可以畀返佢！」
我：「咁咪唔好畀，佢呢啲性格遲早都係俾女呃到底褲都無埋，問題只係由邊個嚟出手啫。」學大卡車咁講，細蚊塊處遲早都係送豬入虎口，起碼我都係處，起碼我唔會中出即飛，起碼我而家重會關心返佢。
Q：「我唔係呢啲女仔嚟，我唔使話要全世界男仔都鍾意我，但至少我唔想有任何一個男仔憎恨我。」




我：「咁好簡單啫，佢咁聽妳話，叫佢唔好課咪得。」
Q：「佢就係唔聽話呀，話乜嘢無所謂，少少錢不痛不癢，最緊要我有好嘢食有靚衫著…」
我：「吓…據我所知佢都係住居屋咋喎，而且落成十年都未夠，應該重未供完，可以有幾有錢呀？」
Q：「你真係走去計咁好笑嘅？擺到明就窮鬼充大頭啦，理論上咪好過你呢個公屋仔少少，就算我條仔屋企住私樓一早供晒我都未覺得好有錢啦，同班八婆重有一截距離，比起真係可以亂咁使錢嘅幽蘭就更加望塵莫及。」
唉，唔知妳係有心定無意，但我…真的受傷了。
我：「一個二個都係咁…真係睇唔開…」
Q：「係呀，佢重啱啱同我講話乜嘢就算見唔到我個樣都得，只想深深陷入我嘅懷抱入面攬住我…」
我：「屌，乜細龜佢咁識溝女嘅，似乎重好過傻仔健喎，雖然我覺得佢只係想陷入妳條波罅…」
Q：「點都好啦，我唔想煩呀…佢喺度我專心唔到開工。」
打個比喻，呢啲情況等同你係一個蒙面賊走去打劫一間銀行，入到去先發現原來自己條女喺嗰度打工…




我：「我都唔使見到妳喇，蒙著眼說抱抱就得。」
Q：「不如你勸下佢，叫佢唔好沉迷網戀，或者…介紹個女朋友畀佢識？」即係咁，妳抱住我唔等於我做到㗎喎…