為了實現媽媽遺願，我成為了女兒國唐僧: K366

我：「屌我囉！有本事就生條朘出嚟屌，我兩個窿任妳插，同妳攪基又點話，咁咪唔係女仔囉。」
佢企起身再行去門口，用個U字鎖反鎖住自己。
我：「大小姐，我投降喇，今次妳又想玩乜…」
U：「我要你完全認真咁同我打一次，如果唔係你唔使指擬出到呢間房。」佢講完就掉咗條匙入個心口裡面…
我：「呀小姐…咁樣妳自己都走唔到㗎咋喎。」
U：「想走就自己過嚟我心口度攞，攞到就走到。」
我：「咪咁硬頸啦，呢個世界有好多方法㗎，個鎖可能拆得爛，舊式大廈嘅木門可能踢得開，呢度二樓爬窗跳出去都唔係一件難事嚟…」只要大廈火燭嘅話。
U：「點解你就唔肯同我認認真真咁決鬥？」其實呢條女係咪都有啲精神病？不如叫幽蘭介紹個醫生畀佢睇下…
我：「乜叫決鬥？斷手斷腳？定扯斷大動脈先安樂？會死人㗎，呢度現實世界嚟，唔係武俠小說，唔係Marvel呀！」如果係高達世界我一定用殖民地掟鬼佢。
U：「如果你制服到我，可以喺度對我做任何嘢，我唔會反抗，唔會嗌救命，亦唔會追咎。」




我：「妳哋係咪一個二個都黐鬼晒線，Queenie話我曳話我鹹濕係事實，但唔等於我會對妳做呢啲嘢㗎。」
U：「點解就唔肯認認真真同我對決？」
我：「為乜啫？邊個傷都唔好呀，重有我唔會用呢啲方法嚟侵犯妳嘅身體，對我嚟講係無意義。」
U：「因為…我想親身體驗危險，我要知道如果有男人襲擊我究竟會點，而你係一個適合嘅對像…只要制服到對方就得㗎喇，唔會打死人，真係傷嘅話就去私家醫院，所有費用由我負責。」越聽越扯火，就嚟想打柒佢。
我：「無端端做乜要危險，妳係好好打呀，但無人叫妳半夜去啲三山五嶽嘅地方，更加唔好著住短裙引人犯罪，有少少常識都知無必要令自己有機會成為受害者呀？」
U：「係無必要，但有時逃避係解決唔到問題。」
我：「我肉在砧板上，當妳已經贏咗，又諗住點？」
U：「你唔肯同我打，我就打到你同我打為止。」
我：「使唔使綁起我虐待我？妳會唔會覺得自己有啲病態？妳捨得令我受到傷害睇住我痛苦？」
U：「我嘅要求好卑微，只係要你認真襲擊我…」




我：「喺妳面前我重卑微，只係唔想妳執著啲無謂嘅輸贏，點樣安全定危險…啪！」佢用左手抬起我下巴，右手一下清脆咁打落我塊面度，以佢嚟講唔算大力。
我：「妳知唔知…妳學開空手道其實可以一掌打暈我？」
U：「咁係咪痛吖？嬲唔嬲呀？起身打返我啦。」