thriXt Qantasy 純文字安眠之作 (New: - U2K - 一直上架): K360

雖然YY乜都叫我同阿健做晒，但有佢喺度指手劃腳又真係順暢好多，而且好快就鬥咗份report出嚟。
U：「嗱，返課室等多十五分鐘到，識做啦，自己搞掂。」屌，咁我做乜要孭埋書包上嚟，又要落返去。
阿健條死仔都衰唔晒重識得落嚟陪下我，放咗學其實大部份人已經走晒，係得小貓三四隻會嚟執下嘢。
我：「其實你想走可以走先，鎖完門我都係返屋企。」
一來好眼瞓，二來星期一特別多功課。
健：「無呀…我約咗佢一陣去樂富…本身想去又一城㗎，但佢話實會撞到U mate…佢話想睇下我著校服個樣喎…」
我：「…，唔怪得…你個衫袖有骨㗎啦。」
健：「呢件…係後備嘅新衫嚟，開學前買㗎。」
我：「要野戰定開房呀？小心身體…唔好去得太盡。」
健：「無呀，佢話要抖，繼續唔准我J，儲到佢下次要為止喎，我諗要忍到去周末先有得做…嘻嘻嘻…」




我：「妖，唔想理你呀，呢件事…你唔諗住俾老細知㗎啦？係咪？」
健：「欸，唔好住先啦，我重要幫佢做直播費事尷尬。」
我：「唓，你當佢係乜，分分鐘你尷尬佢都未尷尬呀，不過我都無諗住同佢講，我落去還匙喇，你拍拖開心啲。」
嚴格嚟講，我日日都同QQ喺屋企拍拖㗎啦。
Q：「返嚟嗱？辛苦晒。」佢都係啱啱除校服。
我：「算啦，我輸得抵死，唔會有怨言。」
Q：「你呀，得閒做下嘢咪幾好，你知唔知道人哋Uranus搭車返學要成半粒鐘都日日準時開門㗎，你只係跑落去咋…同埋佢頭先同我講原本訓導收到風想捉你兩個去問話㗎，後尾Miss X知道咗件事就煞停咗佢哋。」
我：「咁得意嘅，咁點解唔係Miss Tang？」
Q：「你睇佢都知無乜牙力啦，詩敏Miss真係霸氣好多，總之件事就已經完結咗，你唔好再同班長佢嘈喇。」
我：「本身就無諗住同佢嘈，佢咁好打，用暴力嚟形容都唔係好過份啫，邊有普通女仔好似佢咁樣喎。」




Q：「咁每個人接受程度唔同㗎嘛，正如你話我發姣我無乜嘢，但可能其他女仔已經反晒枱喇，同埋你都唔會敢喺大庭廣眾前面話我發姣啦，係咪？」
我：「對唔住…以後都唔會再話妳發姣。」
Q：「又唔係嘅，對住男朋友發姣係代表我哋幸福。」
我：「欸…呢層呢，總之妳覺得開心就得啦。」
Q：「同埋…論暴力嘅話我比天王星有過之囉！」
我：「吖吖！」佢一嘢手刀斬咗落我初起嘅小雞雞度。
Q：「望望望！都唔知有乜好望，已經日日對住㗎啦…」
我：「因為…望幾多眼…妳都係咁正…」
我瞓咗個晏覺，然後同QQ一齊做功課食飯，咁又一日。
總之我其實唔得閒理健仔嘅豔遇，但佢變成大個仔都係好事嚟嘅，以後同佢講嘢可以多啲話題…大覺瞓先。