thriXt Qantasy 純文字安眠之作 (New: - U2K - 一直上架): K342

Y：『我唔知，但至少你無可能控制到賽果，勸你認真少少，我都想有好戲睇，唔想得幾秒就玩完，同埋你唔好整傷我姐妹呀，我會私下幫佢報仇。』
我：『又唔可以打親佢，都真係好難贏。』
Y：『係㗎，你狠唔到心就唔會贏到佢。』
我：『如果對手係妳就好，我一定可以溫柔咁制服妳。』
Y：『你算吧啦，如果你落到手我個閪一早無咗啦。』
點解我而家會咁無用，明明以前我㩒住細蚊噴到佢成口成面都係，自從QQ寄居喺度之後我就好似被馴服咗咁。
時間真係過得好快，話咁快就第二日放學，平時又唔見會過得咁快喎，主因係臨放學前英文連堂喺度冥想養神。
大家都知女班長要同我私片，所以打鐘先生走咗之後差唔多所有人繼續留喺課室，而女班長就行咗出去。
U：「咁多位同學，我諗你哋都知乜事㗎嘞，雖然只係開咗學無幾耐，但我哋班係一個大家庭嚟，所以唔希望你哋有啲乜嘢傳言，或者乜嘢揣測，一陣我同佢亦都唔係閂門決鬥，而係進行一場認真嘅比試，無論結果係點，我希望件事可以喺呢度起就呢度散。」
大家面對呢個認真嘅女班長，都變得啞口無言，噤若寒蟬，三緘其口。




U：「我而家去換衫先，十五分鐘後見，唔好失蹤呀。」
啱嘅，就算我預妳唔會嚟個半空turning double kick，都無理由著住條校裙同我玩，雖然睇妳個衰款入面就實著咗白色打底，咁樣先夠趕客㗎嘛。
我：「何以…我弄得如此田地，呢個女人真係惹唔過…」
Q：「哈，攪笑，而家先知女人惹唔過咩？懶得理你。」
佢講完之後就同YY出咗課室，應該係追出去搵天王星。
V：「畀心機啦，傻瓜，我對你嘅遭遇感到同情並理解。」佢好似係最無所謂嘅一個，重覺得有啲過癮添。
我望一望後面，Zilvia無出聲但就帶住歉意咁望住我，而Myth佢就當然一副難以言喻嘅笑容咁…
慕：「男子漢，大丈夫，祝你好運，等睇你精彩演出。」
我：「如果可以嘅話，我真係想將呢個機會留畀你。」試諗下喎，兩個班長講唔埋欄大打出手實在係幾咁精彩。
慕：「唔使客氣，出手唔好太重，我唔想做晒所有班長職務。」




講真，我邊敢打女人…就算要我綁起個女仔射到佢成面都係都好過打佢；除非有另外一個女仔要對我身邊嘅女仔狠下手，否則我諗都係出唔到手。
健：「你…諗住點收科呀？」條友終於記得返我。
我：「重可以點啫，咪陪佢玩下囉，唔會打死我嘅。」
健：「聽講佢哋班仔係咁搵睇下有無人買你贏都搵唔到，所以個賭盤開唔成…」
我：「好明顯呀，我都想買埋自己一份輸呀，十賠一都無所謂，落一千可以賺返兩餐飯…風頭火勢買我贏，咪即係同全世界講自己支持男仔打贏女仔？」