為了實現媽媽遺願，我成為了女兒國唐僧: K304

我：「睇嚟…妳已經完全瞭解到屋邨仔嘅生活方式…」
Q：「鬼叫我係屋邨妹…唔該我要一個魚柳飽同半個芝蛋脆雞飽吖。」
我：「妳當呢度中東雞卷呀？邊有半份同一份㗎，妳試下出去搵個M記姐姐點半份笑容睇下會發生乜事？」
Q：「咪乜嘴咁笑囉…我知你明我意思嘅。」
我：「我返到屋企再打妳半邊屁股呀下。」我咬佢耳仔。
Q：「無半邊屁股㗎，半對屁股就有，半對陰唇都有，重有分大同小。」屌！呢個衰妹，我明明喺度攪緊爛gag，點知俾佢攪到即硬頂死咗落條褲，佢咬我耳仔重伸脷舔…
絕對係黐線㗎！使完錢嘅女人係會喪失理智精神迷走…
我：「妳…真係唔食麥樂雞？」
Q：「唔喇，都有zero，唔想食薯條或者粟米。」
結果我出去買咗兩個魚柳飽，自從無咗特價豬柳強之後唯有投靠魚柳bell食到一面柳下惠咁款…另外重有一個芝蛋脆雞飽，加兩杯冰底。呢個食法可以話係慳家之最，已經非常貼近麥難民嘅境界，不過QQ喺度欣賞緊頸鏈…




佢開始食嗰半個親子包先，重會盡量留返啲黃畀我。
我：「我唔係想講啲乜，但呢份禮物會唔會貴咗少少？」
Q：「真係有啲貴…但玩得慶祝生日呢個遊戲就係咁。」
我：「其實…有無quota㗎？點都貴過妳枝唔知醜呀？」
Q：「無㗎…只會越嚟越貴…又唔可以咁比較嘅，始終我哋幾個都好惜Zilvia，只會想佢收到禮物好開心，唔好咁緊張啦，你唔記得我哋多咗幽蘭咩，除開四份都係每人一千蚊，聽日我就會問佢哋收返錢，死唔去嘅。」
我：「幽蘭會唔會話幫妳出埋？」
Q：「以佢性格應該會，但我唔會俾佢咁做，其他嘢佢包起我都無所謂，但呢份係我送畀Zilvia嘅心意嚟。」
其實呢個咪左手交右手嘅問題嚟，等於啲無謂消費券，要慳嘅咪又係留嚟買餸同食快餐店，點會走去買iPhone。
又話時話如果啲人買iPhone會對香港經濟有幫助咩？唔明…到我有得攞嗰陣不如就trade咗部iPhone換返錢。
偷偷地話你哋知，由於爹地成日唔喺香港所以消費券都係要靠我幫佢…嘻嘻，落晒QQ個肚仔入面。




我：「嗯…如果幽蘭係男仔嘅話妳會點？」
Q：「重使問，即刻換仔啦，重開心過住城堡嘅公主。」
我：「咁緊要…佢真係有咁好咩？」
Q：「好，超級好，都唔知可以去邊度搵到個更加好，我男朋友完全比唔上呀，不過要面對佢屋企人會係另一個問題嚟，我唔鍾意啲傳統生意家族。」
我呢啲低下階層又點會明，但一諗到幽蘭佢精神病…