為了實現媽媽遺願，我成為了女兒國唐僧: K281

Q：「好呀，不過你咁夜先放學嘅？打咁耐橋牌？」
我：「咁又唔係，返嚟先再講啦，我搦住好多嘢。」
雖然唔係啲乜澩嫪嘢，不過都係諗清楚先答佢好啲…而為咗佢包日產即食麪，我又要去埋759，特價完都要三十二蚊pack，即係每包麪係要六個四，嗯。
我：「我返嚟喇，小寶寶。」
Q：「幽蘭佢無嘢吖嘛？你陪佢到咁夜？」
我：「佢無嘢呀，原來佢打橋牌真係好犀利，連主席都唔係佢對手嚟，完咗之後陪佢謦咗陣欬等管家接佢啫。」
Q：「你哋班友平時去hea㗎咋嘛，有乜可能會夠佢打喎…我同你講呀，人哋九年無掂過男仔咁滯，乜都唔知頭唔知路㗎，如果你敢蝦佢嘅話我實唔會放過你。」
我：「當然，喺妳嘅淫威…唔係，係狐假虎威之下，我對佢當然係好到加零一，重好過對妳。」至少喺服務層面…
Q：「咁我唔問你哋謦咗乜喇，諒你都識分寸，不過…」
我：「妳好似好多煩惱咁嘅？明明今日開心星期五…」




Q：「幽蘭約咗我星期日去整頭髮，想問你攞五百…」
我：「係呀…妳唔係話要成千㗎咩，五百夠唔夠呀？」
Q：「整頭髮…佢話請我，所以我就話請返佢食晏…」
我：「明白，咁嚟個抱抱先。」基本上佢而家每次問我攞零用錢都會俾我任舞，順勢又會用個嘴貼埋上去。
雖然幽蘭係超級靚女，但始終都係同屋企呢個惜舒服啲。
我：「嘻，又五百，儲下儲下總會有一日夠十萬。」
Q：「夠喇，唔好計，當我呢世欠咗你，就爭你一Q。」
我：「咁樣唔公道喎，如果我先使未來錢咪變成我爭返妳轉頭，到時我賣身都唔得掂。」
Q：「係呀，我係爭你，但你敢收數先算啦。」
我：「有無得射入去㗎？」




Q：「發夢啦你，你夠膽就去問下出面啲援交妹中出要加幾多錢，肯定重貴過過夜無限Q。」
我：「聽聞要三計，重要好似熟客先有得申請。」
Q：「你個死鹹濕仔，咁你賣身畀我算啦。」
我：「呢個乜概念嚟？係咪我中出妳一次條命就唔再屬於自己，聽聞啲蜘蛛就係呢個玩法，一射完就雞咁腳走…」
Q：「㨂錯科呀你，識咁多嘢就去讀Bio啦，磅水先！」
課完金我又會例牌伸手入去摙下佢屁股仔，唔係為乜，都係玩啫，我哋每日嘅家居日常都係差唔多。
我：「本來諗住同妳一齊食拉王，都係食返蝦子麪算。」
Q：「乜事呀，上次叫你幫我賣個銀包嗰度都唔止五百啦，使唔使走去計嗰三五蚊。」