thriXt Qantasy 純文字安眠之作 (New: - U2K - 一直上架): K252

U：「咪俾佢威埋聽日咁大把囉，Zilvia呀，不如我哋去訓導組攞完鐵章之後就一齊整座位表咯，我好期待調位呀，雖然而家同妳坐我好開心…」
Z：「噢…多謝…好呀。」我覺得佢心中只會滴冷汗。
唉，如果調完位Zilvia要同男班長呢啲人坐佢實頭痛死都似，希望Miss唔會做埋啲咁嘅傻事啦，我又無理由去干涉佢㗎，始終調位係班主任其中一樣最好玩嘅玩意嚟；不過我有信心如果我同佢坐可以謦得埋㗎，因為我係一個善良嘅好人，如果我做錯事QQ殺咗我都似。
喺學校YY同我不宜過從甚密，所以佢睥咗我一眼就走咗…
呢個時候阿健終於走過嚟關心我呢個罪人。
健：「威晒啦，今日全校都喺度講緊你條友同兩個天花板女神食飯嘞，連其他三個都睇唔過眼。」
咪屈得就屈啦，起碼我知道Zilvia係絕對唔會有呢啲思想…
我：「咪多得你呢個叛徒成全我囉，如果唔係邊有機會，你都唔差呀，一開學有得同女仔撐枱腳…應該？無其他人呀？」斷估佢唔會低能到約埋阿康嘅。
健：「出去先講啦，學校入面太多耳仔。」
然之後我哋就好似以前咁一齊行返屋企，本來係；結果佢捉咗我去大家樂食tea，佢食咋，叉燒瀨，改加炸髀，紅豆冰，十足十前世未食過嘢咁款。




我：「係咪你同人哋食lunch，人哋唔肯俾你食埋佢，所以你而家要發洩返？」諗返起細蚊消失嗰陣我都係咁…
健：「唔係呀，係真係唔夠飽呀！」佢啜住啲瀨粉講。
我：「你去邊度食嚟呀，好似重慘過捱完杯麪咁。」
健：「真係無乜分別呀，咪行出去轉右轉左再轉右街中間嘅嗰間越式cafe，佢食扎肉撈檬，我唔好意思自己食飯，所以嗌咗碗生熟牛肉河，點知水汪汪咁係我而家呢碗一半多啲。」呢啲乜概念嚟，即係如果個女仔唔好意思開口叫你攪佢，你就陪佢一齊癲死都唔攪佢係咪？
我：「嗰間嘢邊有仔幫襯㗎，佢係專登整個環境出嚟等啲女去坐而唔係俾你用嚟醫肚，食兩份都唔夠飽啦，我試過喺出面昅女見到人哋食越式牛腩飯好似食緊牛肉粒壽司咁，就諗都無諗過會入去。」
健：「咁同女仔食飯就梗係俾佢話事㗎啦。」
我：「好大犧牲咁喎，約到女食飯都值嘅。」
健：「唔係呀，其實無約㗎，只不過係lunch前佢問我係咪同你食，我話邊好意思阻住你溫女諗住自己搞掂，講講下佢話應該自己一個食，然後講到無嘢好講…咪一齊開口話不如一齊食，結果咪尷尷尬尬咁一齊食lunch。」
我：「有無後悔點解唔問佢有無仔陪佢扑嘢？」
健：「屌！人哋有仔㗎，你咪咁黐線啦。」




我：「唓，有仔唔等於有扑㗎喎，兩樣嘢唔係相等。」
健：「我唔似得你係女都啱呀，講真…就算唔計飽唔飽，同佢食飯好唔自在，原來無feel就真係無feel。」