為了實現媽媽遺願，我成為了女兒國唐僧: K210

「現在有請校監，校長，副校長，家教會主席進場，請各位起立…」校務處位白淨文書姐姐就化身做MC。
然後就連啲先生都要企起身，嚟一齊罰企吧。
然後例牌兩位副校，訓輔主任同啲中一雞自我介紹一下；今年有兩位新先生，睇佢哋講嘢就連隻腳都震晒咁…最後校監校長致辭，今年非常通氣兩隻嘢夾埋只係講咗十分鐘多啲。好！等埋啲校長先生走人就可以放學。
「除咗中一同中五之外，其他學生可以有秩序咁離開禮堂放學，中一同中五學生請留喺禮堂參加由輔導組安排嘅學兄學姐計劃…」
呸，乜我有學兄嘅咩？剩係開學嘅禮拜見過兩次，帶我兜咗一圈學校同canteen食咗餐飯，呢啲抽乜抽物嘅嘢多數都係無卵用，你ran個好似大卡車咁樣嚟做我師姐就差唔多…雖然我知係無可能發生。
放學執嘢走，我都搵返阿健先。
我：「點呀，lunch唔lunch？」
健：「唔喇，好眼瞓…返屋企叫阿媽煮…」
我：「咦，阿康係樓下喎，佢個樣好似好灰咁。」
健：「唔出奇吖，佢嗰班好多人都唔係讀書嘅，我哋兩個又唔喺度，邊似得你飛在花叢中。」




我：「咪咁講我啦，好大壓力㗎，咁…落去搵佢？」
健：「算啦，由佢沉澱下，佢總要識過班新friend。」
人來人往，人走茶涼，有聚有散，有期再會，恒久不變…
我返到屋企見唔到QQ，大概又去咗開女神茶會掛，於是我就除晒衫捹下條朘朘先，點知收到個電話…
我正想開口嗌女魔頭，但又唔知佢係喺乜情況打嚟。
我：「喂，Yvonne妳搵我？」
Y：「係，一放學就唔見咗你條仆街嘅？去咗邊？」
我：「返咗屋企喇，妳條臭閪想點？」禮尚往來…
Y：「哦，我想你盡快去到地鐵站，我而家喺附近。」
我：「你係咪得罪人俾人追斬要我嚟救妳？」




Y：「唔係呀，你正常咁嚟搵我就得。」
我：「但係我驚，如果QQ而家返嚟撞正我出去…」
Y：「唔會呀，佢留喺學校有嘢做，唔使擔心。」
我：「我可唔可以洗個頭先，今朝出門口好趕，實在太樣衰唔敢見你。」得十幾分鐘好彩擦得切牙…
Y：「你係咪弱智㗎？咁你今朝又敢返學，我已經對咗你隻痀瘻怪成朝喇。」
我：「咁點同，我返學只係一個閒人，而家係主人約我…」佢成個暑假無滾攪過我都有啲意料之外。
Y：「得…你執下個人先，半個鐘內好出現喇，同埋唔使搞啲古靈精怪嘅嘢，我哋只係做啲好普通嘅嘢。」
我：「妳想我著校服定出街衫呀？」
Y：「出街衫啦，橫掂你返咗去，無咁顯眼嘛。」