為了實現媽媽遺願，我成為了女兒國唐僧: K173

某：『明白，感謝妳嘅考慮，呢度係我哋工會條link，重有一個內部page嘅，妳request我會俾妳入去睇到我哋以前啲相，應該就可以感受到我哋係一班正常人。』
我：「嘿嘿！係打機嘅MK姐姐呀！」我扮到流口水咁。
Q：「頂你，又Angel，又Bubble，又Carmen重唔夠？」
我：「全部都…頭兩個唔係，咪講到我由A食到Z咁！」
Q：「你估你唔想，去到Y好喇，夠膽掂Zilvia我會一刀兩斷手起刀落幫你條朘朘另覓一個新嘅屋企。」
我：「我覺得…善良嘅Zilvia唔會支持妳呢啲殘暴行為。」
Q：「理得你，婦人之仁嘅結果就只會係助紂為虐。」
我：「即係我可以食埋Yvonne？」當然Y字前有好多…
Q：「你食到咪食，我都鍾意食花生，佢比較淫底唔係無可能，不過呢，你同我咁熟佢就應該死都唔制。」
都唔知妳兩個平時點相處，狗咬狗骨咁。




我：「我先唔制呀，佢呢啲麻煩女仔，送都要喊三聲。」
Q：「三，二，一，呀，唔小心射埋入去添，佢係港女啲態度比較惡劣，不過真心唔係太差嘅…」
我：「算喇，唔好講妳啲friend，咁妳本身諗住點？」
Q：「我有乜所謂，互惠互利實唔拘㗎，出去識下人又唔使死嘅，最多請多兩個保鑣，你幫我study下先啦。」
佢叫到咪睇下囉，喺遊戲入面個工會人數有九十幾人，唔係最大但亦都唔算細，大部份有keep住玩亦都標明自己係香港區，有一個永恒，兩個璀璨，十幾個戰場傳說，其他大部份都係星耀…嗯，根據估計呢啲群會有三份一到有機會出席網聚。
再睇下所謂嘅兩個主播，一個璀璨同一個戰場，望下啲戰績同錄影，感覺上都係真打機之人，雖然話唔係好紅，但實力就點都好過QQ呢啲擲界主播嘅；最後就係望下啲過往活動紀錄，唱K，雞煲，網吧，行山…
我：「睇下，真係有女仔㗎喎，都幾好樣吖。」
Q：「咪普普通通，頂多好過韻婷少少咁。」
我：「妳用自己個基準嚟比就死啦，妳同妳班friend…」
Q：「咁點呀，生得靚我哋自己揀嘅？係咪靚女就唔可以攞嚟做比較？」靚得嚟重要牙尖嘴利鍾意咬人…




我：「唔係…不過八個人先得兩個女仔。」
Q：「好好啦，打機group有六男兩女，三個就可以分到一個，你要加油努力，唔好爭輸比啲MK仔。」
我：「我喎！使同佢哋喺呢啲圈爭崩頭咩？」
Q：「唔使，你左Mandy右Wendy手到拿來添，想小巧玲瓏龍舟掛鼓又得，想乳房窒息亦得，得咗。」
我：「衰嘢吖，串我重要押埋韻，真係服咗妳。」