為了實現媽媽遺願，我成為了女兒國唐僧: K106

我：「係呢，爹地點解你今次剩係放一個禮拜假咁少？」
爸：「無人話我得一個禮拜，一樣係兩個禮拜。」
我：「咁點解你剩係返嚟一個禮拜咁少嘅…」
爸：「嗯…好想見我多啲咩…我驚阻住你哋咋，所以咪台灣落船玩咗一個禮拜先返嚟囉。」
我：「自己一個係台灣玩？」
爸：「如果唔係…重可以有邊個？其他同事放假都寧願即刻返屋企見屋企人啦。」
我：「自己一個人喺台灣，可以有啲乜嘢玩？」
爸：「咪行下夜市，食下牛肉麪，周圍睇下風景。」
唔知點解我會腦補成…去啲特別嘅夜場，睇下啲女女五光十色嘅風景，再嚟碗牛肉水餃雙拼。
Q：「喂，你自己細細個就識喺街玩到唔返屋企食飯啦，做乜懷疑uncle一個人喺台灣玩啲乜喎！」




上得鹹網多，見識過台灣啲檳榔妹，夜場鋼管舞，裸體私影流出，啦啦隊偷拍，男朋友出賣，大尺直播掰…就會知台灣係一笪好地方，台妹係一種好生物，至少比起港女更加易食落口。
爸：「做乜喎，你係咪想一齊去？下次預埋你囉…」
我：「唔使，台灣同香港無乜分別啫，無謂嘥錢。」
要我同你兩個男人老狗去台灣，我又阻住你，你又阻住我，玩咩？我又未至於厚面皮到問你係咪去台灣玩女女，可唔可以請埋我一齊，況且我未夠秤人哋都唔知肯唔肯做我生意…梗係留喺屋企對住飛釘露底QQ比較化算。
點知呢個時候爹地講咗句更加驚嚇嘅嘢。
爸：「阿仔，星期二同我上一轉廣州探爺爺嫲嫲喇。」
我：「吓，做乜咁突然嘅？！」
爸：「有乜咁突然，上次都講過下次會帶埋你去㗎啦，你差唔多成年無見過佢哋喇，佢哋見到個孫大個咗會好開心，定係你想下次自己一個返去探佢哋？」
我：「佢哋成日都睇到兩個孫，堂阿哥同堂家姐大個㗎啦，而且重大過我添。」
爸：「點同，呢啲嘢個個有份，係無得取代，做乜呀，早一兩年帶你返去都重好開心，而家大個咗唔掛住長輩嗱？」




其實…從來就唔掛㗎啦，由細個至到而家都只係見過十幾廿次；開心係因為以前會悶，有得同你周圍去下感覺比較實在，返到去又有得同堂哥堂姐嘈喧巴閉，飲下茶，掃下街，去天河城細路都入得嘅機鋪打下機，一蚊就有得夾嘅公仔，重有卡啦OK任食嘅垃圾食物…而家佢哋大個咗，都唔會好似以前咁同我一齊傻更更玩啦，而且…家陣屋企有啲對我嚟講更加寶貴嘅東西。
我：「咁又唔係，就星期二出發啦。」
爸：「Queenie，咁要麻煩妳一個人喺度幫手看屋喇。」
Q：「呢樣嘢我本身就好樂意。」佢望住我奸笑。