為了實現媽媽遺願，我成為了女兒國唐僧: K64

屌，到底我為乜要陪EX嚟買溝仔內衣？雖然，而家嘅我都無乜嘢畀到佢，如果可以嘅話我想做第一個睇佢著…而QQ究竟平時做幾多壞事收服咗幾多仔仔？除咗嗰班見唔到樣嘅課金友之外；不過我又好似無乜資格講乜。
Q：「買多五條底褲啦，百四蚊咋。」
蚊：「吓，但係我已經買咗三樣嘢。」
Q：「唔緊要啦，底褲會殘㗎，多幾條後備都好，千祈唔好俾男仔見到妳著殘底褲，佢哋覺得妳cheap就唔珍惜，或者咁啦，我要三條妳要兩條啱啱好。」其實QQ又真係有好多唔同顏色唔同款嘅底褲，有啲上面個牌重係寫日文。
Q：「喂，衰人。」佢終於記得我喺佢哋後面。
我：「我諗…我其實唔係好衰啫。」至少對妳嚟講。
Q：「咁，鹹濕仔囉。」今次我無得反駁嚕。
我：「係，有乜嘢吩咐呢，右女神？」
Q：「你想我哋著乜底褲呢？」
我：「咁其實，呢啲嘢最緊要妳哋自己鍾意啫，我又唔係用家…唔係妳哋嘅男朋友。」其實我好想學同YY一齊嗰日咁，左擁右抱，大聲講妳兩個都係我條女。




Q：「係，你無份用，亦都無份睇，但有份洗吖嘛，想唔想洗衫嗰陣心情好啲吖？叫你揀你就揀啦…」其實我有得睇嘅，可能QQ唔想細蚊諗到我哋兩個喺屋企有幾荒誕。
我可以隨便揭佢條裙，而佢會隨便閹返我，其實有時都會痛…但痛嘅同一時間身體亦會犯賤咁繼續有反應。
我望住上百款唔同嘅底底，萬國旗咁叫人點揀呀？重難過揀LEGO同高達，而且全部一樣價錢。
我：「我終於明點解女人行街行咁耐…有無提示呀，我連個方向都無。」我已經望咗成分鐘。
Q：「不如你諗下見到我哋著邊條最快硬？」
我：「啲貨摺好晒攤喺度，唔會有乜感覺㗎喎。」
Q：「你咪攞上手攤開感受下，睇下個cutting係點。」
我：「咁樣會唔會唔係幾好？」
蚊：「怕乜喎，你拖得兩個女仔入嚟，係人都知你係變態嚟啦，當呢啲係手巾仔嚟就得。」
結果，我以為自己玩緊潛烏龜或者抽蛋。




純鮮色太姐姐，碎花太扮無嘢，間條太playful，黑色太悶，白色太虛偽，粉紅太甜膩…我已經懶得理在場其他女仔點睇我喺度揀底褲，吹咩，我就係有得幫女仔揀底底，好在QQ係一個靚到爆嘅女神嚟，咁樣令到件事好似正常咗好多，可能啦。最後，我揀咗條翠竹色，前後上半part都有個半透明紡紗三角形嘅窄cut無厘士底底…
蚊：「呢條…會唔會太性感呀…」
Q：「唔使驚喎，又唔會係人都睇到妳著乜底褲嘅，我哋就一人一條啦。」其實呢啲透透底，QQ本身係有一條嘅，不過就透後唔透前。
蚊：「咁好啦。」細蚊望住我，好似得我先會睇到咁…
Q：「衰人，咁你就幫我哋揀多條最可愛㗎啦。」